തിരുവല്ല കവിത കൊലക്കേസ്: പ്രതി അജിന് റെജി മാത്യു കുറ്റക്കാരനെന്ന് കോടതി
ഷീബ വിജയൻ
പത്തനംതിട്ട: തിരുവല്ല കവിത കൊലക്കേസില് പ്രതി അജിന് റെജി മാത്യു കുറ്റക്കാരനെന്ന് കോടതി. കേസില് പ്രതിയുടെ ശിക്ഷ അഡീഷണൽ ജില്ലാ കോടതി-1 വ്യാഴാഴ്ച വിധിക്കും. അതേസമയം, പ്രതിക്ക് തൂക്കുകയര് നല്കണമെന്ന് കോടതിവിധി കേള്ക്കാനെത്തിയ കവിതയുടെ കുടുംബാംഗങ്ങള് പ്രതികരിച്ചു.
2019 മാര്ച്ച് 12നാണ് തിരുവല്ല നഗരത്തില്വെച്ച് കവിയൂര് സ്വദേശിനിയായ കവിതയെ (19) അജിന് റെജി മാത്യു തീകൊളുത്തി കൊലപ്പെടുത്തിയത്. പെണ്കുട്ടി പ്രണയാഭ്യർത്ഥന നിരസിച്ചതായിരുന്നു കൊലപാതകത്തിന് കാരണം. തിരുവല്ലയിലെ കെഎസ്ആര്ടിസി ബസ് സ്റ്റാന്ഡിന് സമീപത്തെ ഇടറോഡില്വെച്ചായിരുന്നു സംഭവം. സംഭവത്തിന്റെ സിസിടിവി ദൃശ്യങ്ങള് പുറത്തു വന്നിരുന്നു. കവിതയെ വഴിയിൽ തടഞ്ഞുനിര്ത്തി സംസാരിച്ചുകൊണ്ടിരിക്കുമ്പോള് തന്നെ കൈയിൽ കരുതിയിരുന്ന കത്തിയെടുത്ത് കുത്തിവീഴ്ത്തി പെട്രോളൊഴിച്ച് തീ കൊളുത്തുകയായിരുന്നു.
്ിി്േ്േി്േ
