മഞ്ചേശ്വരം തെരഞ്ഞെടുപ്പ് കോഴക്കേസ്; കെ. സുരേന്ദ്രന് ഹൈക്കോടതി നോട്ടീസ്
ഷീബ വിജയൻ
കാസർഗോഡ് I മഞ്ചേശ്വരം തെരഞ്ഞെടുപ്പ് കോഴക്കേസിൽ ബിജെപി നേതാവ് കെ. സുരേന്ദ്രന് ഹൈക്കോടതി നോട്ടീസ്. കുറ്റപത്രം തള്ളിയതിനെതിരായ സര്ക്കാര് അപ്പീല് ഫയലില് സ്വീകരിച്ചാണ് ഹൈക്കോടതി നടപടി. ഹർജി ഈ മാസം 30ന് വീണ്ടും പരിഗണിക്കും. ബിജെപി മുന് സംസ്ഥാന പ്രസിഡന്റ് കെ. സുരേന്ദ്രനെ പ്രതിപ്പട്ടികയില് നിന്നൊഴിവാക്കിയ കാസർഗോഡ് അഡീഷണല് സെഷന്സ് കോടതിയുടെ വിധിക്കെതിരെയാണ് സർക്കാർ അപ്പീല് നൽകിയത്. നേരത്തെ നല്കിയ റിവിഷന് ഹർജി പിന്വലിച്ചതിന് പിന്നാലെയാണ് സര്ക്കാര് അപ്പീല്.
കെ. സുരേന്ദ്രനെ പ്രതിപ്പട്ടികയില് നിന്നൊഴിവാക്കിയ സെഷന്സ് കോടതി വിധിയില് പിഴവുണ്ടെന്നും നിയമവിരുദ്ധമാണ് എന്നുമാണ് അപ്പീലില് സര്ക്കാരിന്റെ വാദം.പോലീസ് നല്കിയ തെളിവുകള് പരിശോധിക്കാതെയാണ് വിചാരണക്കോടതി തീരുമാനമെടുത്തത്. എസ്സി, എസ്ടി നിയമത്തിന്റെ പരിധിയില് വരുന്ന കുറ്റങ്ങള് കെ. സുരേന്ദ്രന് ഉള്പ്പടെയുള്ള പ്രതികള്ക്കെതിരെ നിലനില്ക്കുമെന്നുമാണ് സര്ക്കാരിന്റെ വാദം.
sddsd
