കാട്ടുപന്നികളെ വെളിച്ചെണ്ണ ഒഴിച്ച് കറിവെക്കാന് നിയമം വേണം; സണ്ണി ജോസഫ് എംഎല്എ.
കാട്ടുപന്നികളെ വെളിച്ചെണ്ണ ഒഴിച്ച് കറിവെക്കാന് നിയമം വേണമെന്ന് സണ്ണി ജോസഫ് എംഎല്എ. പന്നിയെ വെടിവെച്ചാല് മണ്ണെണ്ണയൊഴിച്ച് കുഴിച്ചിടണം എന്നാണ് നിയമം. പകരം വെളിച്ചെണ്ണയൊഴിച്ച് കറിവെക്കുകയാണ് വേണ്ടതെന്ന് എംഎല്എ പറഞ്ഞു. വന്യജീവി ആക്രമണവും കാര്ഷിക മേഖലയിലെ വില തകര്ച്ചയും ബഫര്സോണില് സര്ക്കാര് ഇടപെടല് ആവശ്യപ്പെട്ടിമാണ് പ്രതിപക്ഷ നേതാവിന്റെ മലയോര സമര യാത്രയിൽ കൊട്ടിയൂരില് വെച്ചായിരുന്നു സണ്ണി ജോസഫിന്റെ പ്രസംഗം. യുഡിഎഫ് അധികാരത്തില് വന്നാല് കാട്ടുപന്നിയെ വെളിച്ചെണ്ണയൊഴിച്ച് കറിവെക്കാന് നിയമം വേണമെന്നും സണ്ണി ജോസഫ് എംഎല്എ പറഞ്ഞു.
'കാട്ടുപന്നിയെ വെടിവെക്കാന് കൊട്ടിയൂര് പഞ്ചായത്തില് ഒരാള്ക്കാണ് ലൈസന്സ് തോക്ക് ഉള്ളത്. കാട്ടുപന്നിയെ വെടിവെച്ചാല് മണ്ണെണ്ണയൊഴിച്ച് കുഴിച്ചിടണം എന്നാണ്. എന്റെ അഭിപ്രായത്തില് വെളിച്ചെണ്ണയൊഴിച്ച് കറിവെക്കണം. പരസ്യമായി പ്രഖ്യാപിക്കുകയാണ്. പ്രതിപക്ഷ നേതാവിന്റെയും കെപിസിസി അധ്യക്ഷന്റെയും യുഡിഎഫ് കണ്വീനറയുടെയും കക്ഷി നേതാക്കളുടെയും എഐസിസി സെക്രട്ടറിയുടെ സാന്നിധ്യത്തില് പറയുകയാണ്, യുഡിഎഫ് അധികാരത്തില് വന്നാല് വെളിച്ചെണ്ണയൊഴിച്ച് കറിവെക്കാന് നിയമം വേണം' എന്നായിരുന്നു സണ്ണി ജോസഫിന്റെ പ്രസംഗം.
asaewsawes
