ന്യൂസിലൻഡിൽ 102 ദിവസങ്ങൾ‍ക്ക് ശേഷം വീണ്ടും കൊവിഡ്
വില്ലിംങ്ടൺ: ന്യൂസിലൻഡിൽ 102 ദിവസങ്ങൾ‍ക്ക് ശേഷം വീണ്ടും കൊവിഡ് കേസുകൾ റിപ്പോർട്ട് ചെയ്തതാതായി പ്രധാനമന്ത്രി ജസീന്ത ആർ‍ഡേൻ അറിയിച്ചു. ന്യൂസിലൻഡ് കൊറോണ വൈറസ് ബാധ റിപ്പോർട്ട് ചെയ്യാത്ത നൂറ് ദിവസങ്ങൾ പിന്നിട്ടത് വലിയ വാർത്തയായിരുന്നു.
പുതിയ കൊവിഡ് കേസുകൾ റിപ്പോർട്ട് ചെയ്തതിനെ തുടർന്ന് ഓക്ക്‌ലൻഡിൽ ലോക്ക്ഡൗൺ പ്രഖ്യാപിച്ചിരിക്കുകയാണ്. എല്ലാവരോടും വീടുകളിൽ കഴിയാൻ പ്രധാനമന്ത്രി ആവശ്യപ്പെട്ടു. ഓക്ക്‌ലൻഡിൽ കോവിഡ് ബാധിച്ചവർക്ക് രോഗബാധയുടെ ഉറവിടം വ്യക്തമായിട്ടില്ല. ലെവൽ ത്രി പ്രകാരം മൂന്ന് ദിവസത്തേക്കാണ് ലോക്ക്ഡൗൺ പ്രഖ്യാപിച്ചിട്ടുള്ളത്.
