ഫേസ്ബുക്ക് ഇന്ത്യ പോളിസി മേധാവി അൻഖി ദാസ് രാജിവച്ചു
ന്യൂഡല്ഹി: ഫേസ്ബുക്ക് ഇന്ത്യ പോളിസി ഡയറക്ടർ അൻഖി ദാസ് രാജിവച്ചു. അൻഖി ബിജെപി അനുകൂല നിലപാട് സ്വീകരിച്ചുവെന്ന് പ്രതിപക്ഷം ആരോപണം ഉന്നയിച്ചിരുന്നു. പാര്ലമെന്ററി സമിതിയുടെ ചോദ്യം ചെയ്യലിന് വിധേയയായ ശേഷമാണ് അന്ഖി ദാസിന്റെ രാജി. ഫേസ്ബുക്കിലെ രാഷ്ട്രീയ ഉള്ളടക്കങ്ങള് നിയന്ത്രിക്കുന്നതുമായി ബന്ധപ്പെട്ട് കമ്പനിയ്ക്കുള്ളില് നിന്നും സര്ക്കാര് തലത്തില് നിന്നും അന്ഖി ദാസിന്റെ ഇടപെടല് ചോദ്യംചെയ്യപ്പെട്ടിരുന്നു.
ജനസേവനത്തിന് ഇറങ്ങാന് വേണ്ടിയാണ് ഫേസ്ബുക്കില്നിന്ന് അന്ഖി രാജി വച്ചതെന്ന് ഫേസ്ബുക്ക് ഇന്ത്യ മാനേജിംഗ് ഡയറക്ടര് അജിത് മോഹന് കുറിപ്പിലൂടെ അറിയിച്ചു. ഫേസ്ബുക്ക് ഇന്ത്യയുടെ ആദ്യകാല ജീവനക്കാരില് ഒരാളാണ് അന്ഖിയെന്നും കമ്പനിയുടെ ഒൻപത് വര്ഷത്തെ വളര്ച്ചയ്ക്ക് പ്രധാന്യമേറിയ ഒരു റോള് അന്ഖി വഹിച്ചിരുന്നുവെന്നും അജിത് പറഞ്ഞു.
