ഐസിആർഎഫ് സ്പെക്ട്ര വിജയികളെ പ്രഖ്യാപ്പിച്ചു
മനാമ
ബഹ്റൈനിലെ ഇന്ത്യൻ കമ്മ്യൂണിറ്റി റിലീഫ് ഫണ്ട് സംഘടിപ്പിച്ച പന്ത്രണ്ടാമത് ഫേബർ-കാസ്റ്റൽ ‘സ്പെക്ട്ര 2020’ കലാ മത്സര വിജയികളുടെ പ്രഖ്യാപനവും വിജയികളുടെ പെയിന്റിംഗുകൾ അടങ്ങിയ കലണ്ടർ 2021 ന്റെ പ്രകാശനവും ബഹ്റൈൻ സ്ഥാനപതി പിയൂഷ് ശ്രീവാസ്തവയുടെ സാന്നിദ്ധ്യത്തിൽ നടന്നു.
കഴിഞ്ഞ ഡിസംബർ 11 ന് ഓൺലൈനിൽ നടന്ന കലാമത്സരത്തിൽ ബഹ്റൈനിലെ 15 സ്കൂളുകളിൽ നിന്ന് മുന്നൂറിലധികം കുട്ടികൾ പങ്കെടുത്തിരുന്നു. കൂടാതെ മുതിർന്നവർക്കുള്ള ഗ്രൂപ്പിനും മത്സരമുണ്ടായിരുന്നു. സമാപന ചടങ്ങിൽ ഐ സി ആർ എഫ് ചെയർമാൻ അരുൾദാസ് തോമസ്, ജനറൽ സെക്രട്ടറി ജോൺ ഫിലിപ്പ്, ഉപദേഷ്ടാവ് ഭഗവാൻ അസർപോട്ട , സ്പെക്ട്ര കൺവീനർ മിസിസ് റോസലിൻ റോയ്, വൈസ് ചെയർമാൻ ഡോ ബാബു രാമചന്ദ്രൻ, ജോയിന്റ് സെക്രട്ടറി പങ്കജ് നല്ലുര്, ട്രഷറർ മണി ലക്ഷ്മണമൂർത്തി , സ്പെക്ട്ര ജോയിന്റ് കൺവീനർ അനീഷ് ശ്രീധരൻ, നിതിൻ ജേക്കബ്, മുരളീകൃഷ്ണൻ , സുനിൽ കുമാർ , ശ്രീധർ , നിഷ രംഗരാജൻ, ഫൈബർ കാസ്റ്റലിന്റെ ബഹ്റൈൻ മേധാവി സഞ്ജയ് ഭാൻ എന്നിവർ പങ്കെടുത്തു.
ഇതിന്റെ ഭാഗമായി മുൻ ഇന്ത്യൻ ക്രിക്കറ്റ് കളിക്കാരനും ദേശീയ വനിതാ ക്രിക്കറ്റ് ടീമിന്റെ പരിശീലകനുമായ ഡബ്ല്യു വി രാമൻ ‘നിങ്ങളുടെ മനസ്സിനെ ശക്തിപ്പെടുത്തുക’ എന്ന വിഷയത്തെ കുറിച്ച് സംസാരിച്ചു.
