ബഹ്റൈൻ എല്ലാവർക്കും, എല്ലാവർക്കും ബഹ്റൈൻ’ ആഘോഷ പരിപാടി ഇന്ന്
മനാമ: ‘ബഹ്റൈൻ എല്ലാവർക്കും, എല്ലാവർക്കും ബഹ്റൈൻ’ എന്ന തലക്കെട്ടിൽ നടക്കുന്ന ആഘോഷ പരിപാടി ഇന്ന് ഹിദ്ദിലെ പ്രിൻസ് ഖലീഫ പാർക്കിൽ നടക്കുമെന്ന് ബന്ധപ്പെട്ടവർ അറിയിച്ചു. രാജ്യത്തിന്റെ മതസഹിഷ്ണുതയും സഹവർത്തിത്വവും വിളംബരം ചെയ്യുന്ന നാലാമത് പരിപാടിയാണ് 41 എംബസികളും വിവിധ സംഘടനകളും ഒത്തുേചർന്ന് നടത്തുന്നത്. 55,000ഓളം പേർ പരിപാടിയിൽ പങ്കെടുക്കുമെന്നാണ് കരുതുന്നത്.
വിവിധ സാമൂഹിക സംഘടനകൾ, വനിതാ കൂട്ടായ്മകൾ, ആഭ്യന്തര മന്ത്രാലയത്തിലെ 16 ഡയറക്ടറേറ്റുകൾ എന്നിവയും ആഘോഷ പരിപാടികളിൽ പങ്കെടുക്കും. വിവിധ സംസ്കാരങ്ങളും മതസമൂഹങ്ങളും വിഭാഗങ്ങളും ഒത്തൊരുമയോടെ ജീവിക്കുന്ന സന്ദേശം ലോകത്തിന് മുന്നിൽ പറയാനും അത്തരമൊരു നിലപാടിന് പിന്തുണ തേടാനും കൂടിയാണ് ആഘോഷ പരിപാടികൾ നടത്തുന്നത്. 250ഒാളം സ്റ്റാളുകളും ബഹ്റൈൻ പാരന്പര്യ കലാരൂപങ്ങളും ഒരുക്കിയിട്ടുണ്ട്. ഇന്ത്യ, പാകിസ്ഥാൻ, ഫിലിപ്പീൻ, ശ്രീലങ്ക, ജോർഡൻ, ഇൗജിപ്ത്, തായ്ലന്റ്, ബംഗ്ലാദേശ്, എത്തിയോപ്യ എന്നിവിടങ്ങളിൽ നിന്നുള്ള പ്രവാസി സമൂഹം അവതരിപ്പിക്കുന്ന കലാവിരുന്നുകളും അരങ്ങേറും.
