ഒമാൻ സുൽത്താനുമായി ടെലിഫോൺ സംഭാഷണം നടത്തി ഹമദ് രാജാവ്
പ്രദീപ് പുറവങ്കര
മനാമ: ഒമാൻ സുൽത്താൻ ഹൈതം ബിൻ താരീഖുമായി ബഹ്റൈൻ ഭരണാധികാരി ഹിസ് മജസ്റ്റി ഹമദ് ബിൻ ഈസാ അൽ ഖലീഫ രാജാവ് ടെലിഫോൺ സംഭാഷണം നടത്തി. ബഹ്റൈനും ഒമാനും തമ്മിലുള്ള ശക്തമായ ഉഭയകക്ഷി ബന്ധം അവലോകനം ചെയ്ത ഇരുനേതാക്കളും, പരസ്പര താൽപ്പര്യമുള്ള പ്രാദേശിക-അന്തർദേശീയ വിഷയങ്ങളും ചർച്ച ചെയ്തു.
ഹോർമുസ് കടലിടുക്കിൽ കപ്പൽ ഗതാഗത സ്വാതന്ത്ര്യം പുനഃസ്ഥാപിക്കുന്നത് ഉറപ്പാക്കുന്ന കരാറിലെത്താൻ ഒമാൻ നടത്തുന്ന പ്രമുഖമായ പങ്കിനെയും തുടർച്ചയായ ശ്രമങ്ങളെയും ഹമദ് രാജാവ് പ്രശംസിച്ചു.
അന്താരാഷ്ട്ര വ്യാപാരത്തിനും ആഗോള സാമ്പത്തിക സ്ഥിരതയ്ക്കും കടൽമാർഗ്ഗമുള്ള ഗതാഗത സ്വാതന്ത്ര്യം അത്യാവശ്യമാണെന്ന് ചൂണ്ടിക്കാണിച്ച ഇരുനേതാക്കളും, എല്ലാ അന്താരാഷ്ട്ര ജലപാതകളിലും കപ്പൽ ഗതാഗത സ്വാതന്ത്ര്യം സംരക്ഷിക്കേണ്ടതിന്റെ പ്രാധാന്യം എടുത്തുപറഞ്ഞു.
dxgvdgdgf
