കുടുംബങ്ങൾക്ക് ഈദ് അൽ അദ്ഹ ധനസഹായം പ്രഖ്യാപിച്ച് രാജാവ്
പ്രദീപ് പുറവങ്കര
മനാമ: റോയൽ ഹ്യുമാനിറ്റേറിയൻ ഫൗണ്ടേഷന്റെ (RHF) കീഴിൽ രജിസ്റ്റർ ചെയ്തിട്ടുള്ള എല്ലാ കുടുംബങ്ങൾക്കും 1447 ഹിജ്റ വർഷത്തെ (2026) ഈദ് അൽ അദ്ഹ (ബലിപെരുന്നാൾ) സാമ്പത്തിക സഹായം വിതരണം ചെയ്യാൻ ഹിസ് മജസ്റ്റി കിംഗ് ഹമദ് ബിൻ ഈസ അൽ ഖലീഫ ഉത്തരവിട്ടു. ഗുണഭോക്താക്കളായ കുടുംബങ്ങൾക്ക് പെരുന്നാൾ ഒരുക്കങ്ങൾ സുഗമമായി നടത്തുന്നതിനായി ധനസഹായം സമയബന്ധിതമായി വിതരണം ചെയ്യാൻ രാജാവ് ആർ.എച്ച്.എഫിന് നിർദ്ദേശം നൽകി.
തുടർച്ചയായ ജീവകാരുണ്യ പിന്തുണയ്ക്ക് ഹ്യുമാനിറ്റേറിയൻ വർക്സ് ആൻഡ് യൂത്ത് അഫയേഴ്സ് രാജാവിന്റെ പ്രതിനിധിയും ആർ.എച്ച്.എഫ് ബോർഡ് ഓഫ് ട്രസ്റ്റി ചെയർമാനുമായ ഹിസ് ഹൈനസ് ശൈഖ് നാസർ ബിൻ ഹമദ് അൽ ഖലീഫ രാജാവിന് നന്ദി അറിയിച്ചു. ആർ.എച്ച്.എഫ് കുടുംബങ്ങളെ പിന്തുണയ്ക്കുന്നതിനും അവരുടെ ആഘോഷങ്ങളിൽ പങ്കുചേരുന്നതിനും രാജാവ് നൽകുന്ന നിരന്തരമായ പ്രതിബദ്ധതയാണ് ഈ വാർഷിക ഗ്രാന്റിലൂടെ പ്രതിഫലിക്കുന്നതെന്ന് അദ്ദേഹം കൂട്ടിച്ചേർത്തു.
രാജാവിന്റെ ഈ പെരുന്നാൾ സമ്മാനം സ്പോൺസർ ചെയ്യപ്പെട്ട കുടുംബങ്ങളിൽ സന്തോഷം എത്തിക്കുന്നതിനും സമഗ്രമായ മാനുഷിക പരിചരണം ഉറപ്പാക്കുന്നതിനുമുള്ള അദ്ദേഹത്തിന്റെ കാഴ്ചപ്പാടിന്റെ ഭാഗമാണെന്ന് ആർ.എച്ച്.എഫ് ആക്ടിംഗ് സെക്രട്ടറി ജനറൽ എൻജിനീയർ ഇബ്രാഹിം ദൽഹാൻ അൽ ദോസരി പറഞ്ഞു.
sgdsg
