ബഹ്റൈനിൽ കാലാവസ്ഥാ വ്യതിയാനം: വരും ദിവസങ്ങളിൽ മഴയ്ക്കും കാറ്റിനും സാധ്യത
പ്രദീപ് പുറവങ്കര I ബഹ്റൈൻ
മനാമ: ബഹ്റൈനിൽ വരും ദിവസങ്ങളിൽ കാലാവസ്ഥയിൽ കാര്യമായ മാറ്റങ്ങൾ പ്രകടമാകുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ഇന്ന് ഭാഗികമായി മേഘാവൃതമായ ആകാശം തുടരുമെങ്കിലും നാളെ മുതൽ അന്തരീക്ഷം അസ്ഥിരമാകാനാണ് സാധ്യത. വടക്കൻ കാറ്റിന്റെ വേഗത വർദ്ധിക്കുന്നതിനൊപ്പം അന്തരീക്ഷത്തിൽ ഈർപ്പത്തിന്റെ അളവ് ഉയരുകയും ചെയ്യും.
ആഴ്ച മധ്യത്തോടെ രാജ്യത്തിന്റെ വിവിധ ഭാഗങ്ങളിൽ ചിതറിക്കിടക്കുന്ന രീതിയിലുള്ള മഴയ്ക്ക് സാധ്യതയുണ്ടെന്ന് അധികൃതർ വ്യക്തമാക്കി. അന്തരീക്ഷത്തിലെ ഈർപ്പം 90 ശതമാനം വരെ ഉയരാൻ സാധ്യതയുള്ളതിനാൽ വരും ദിവസങ്ങളിൽ കൂടുതൽ തണുപ്പ് അനുഭവപ്പെടും.
താപനില 29 ഡിഗ്രി സെൽഷ്യസിന് താഴെയായി തുടരുമെന്നാണ് പ്രവചനം. കാറ്റിന്റെ വേഗതയും ഈർപ്പവും വർദ്ധിക്കുന്ന സാഹചര്യത്തിൽ പുറത്തിറങ്ങുന്നവർ ആവശ്യമായ മുൻകരുതലുകൾ സ്വീകരിക്കണമെന്ന് നിർദ്ദേശമുണ്ട്. കടലിൽ പോകുന്നവരും യാത്രികരും ഔദ്യോഗിക കാലാവസ്ഥാ ബുള്ളറ്റിനുകൾ ശ്രദ്ധിക്കണമെന്നും അധികൃതർ അറിയിച്ചു.
fsfs
