വോയിസ് ഓഫ് ട്രിവാൻഡ്രം : പുതിയ എക്സിക്യൂട്ടീവ് കമ്മിറ്റി അധികാരമേറ്റു
പ്രദീപ് പുറവങ്കര / മനാമ
ബഹ്റൈനിലെ തിരുവനന്തപുരം പ്രവാസികളുടെ പ്രമുഖ സാമൂഹിക-സാംസ്കാരിക സംഘടനയായ "വോയിസ് ഓഫ് ട്രിവാൻഡ്രം–ബഹ്റൈൻ ഫോറം" (VOT) 2026–2028 കാലയളവിലേക്കുള്ള പുതിയ ഭാരവാഹികളെ തിരഞ്ഞെടുത്തു. സൽമാനിയയിലെ കലവറ റസ്റ്റോറന്റ് പാർട്ടി ഹാളിൽ വെച്ച് നടന്ന വാർഷിക ജനറൽ ബോഡി യോഗത്തിൽ പുതിയ എക്സിക്യൂട്ടീവ് കമ്മിറ്റി അധികാരമേറ്റു. നിലവിലെ പ്രസിഡന്റ് സിബി കുര്യൻ തോമസ് അധ്യക്ഷത വഹിച്ച യോഗത്തിൽ വൈസ് പ്രസിഡന്റ് മനോജ് എം നടപടികൾ നിയന്ത്രിച്ചു. ജനറൽ സെക്രട്ടറി അരവിന്ദ് പി.ജി പ്രവർത്തന റിപ്പോർട്ടും ട്രഷറർ മണിലാൽ കെ സാമ്പത്തിക റിപ്പോർട്ടും അവതരിപ്പിച്ചു.
പുതിയ ഭാരവാഹികളായി സിബി കുര്യൻ തോമസ് (പ്രസിഡന്റ്), ആനന്ദ് വേണുഗോപാൽ നായർ (വൈസ് പ്രസിഡന്റ് & മീഡിയ സെൽ കൺവീനർ), വിനീഷ് എസ് (ജനറൽ സെക്രട്ടറി), മണിലാൽ കെ (ട്രഷറർ), പ്രദീപ് മാധവൻ (ജോയിന്റ് സെക്രട്ടറി), പി.കെ ജയചന്ദ്രൻ (മെമ്പർഷിപ്പ് സെക്രട്ടറി), അംജിത് എം (എന്റർടൈൻമെന്റ് സെക്രട്ടറി), ശരൺ മോഹൻ (സ്പോർട്സ് സെക്രട്ടറി), മൂർത്തി എസ് ദാസ് (ജീവകാരുണ്യ വിഭാഗം സെക്രട്ടറി), അജിത്ത് കുമാർ (ഗതാഗത വിഭാഗം സെക്രട്ടറി) എന്നിവരെ ഐക്യകണ്ഠേന തിരഞ്ഞെടുത്തു. സെൻ ചന്ദ്രബാബു, ഷാംനാദ് അലി, ഷീബ ഹബീബ്, നിമ്മി എസ്. വി എന്നിവരാണ് എക്സിക്യൂട്ടീവ് അംഗങ്ങൾ.
സംഘടനയുടെ വനിതാ വിഭാഗം ഭാരവാഹികളായി ഷീബ ഹബീബ് (പ്രസിഡന്റ്), പ്രിയങ്ക മണികണ്ഠൻ (വൈസ് പ്രസിഡന്റ്), നിമ്മി എസ്. വി (സെക്രട്ടറി), മിനി സന്തോഷ് (ജോയിന്റ് സെക്രട്ടറി), സുനി സെൽവരാജ് (എന്റർടൈൻമെന്റ് സെക്രട്ടറി), രഞ്ജിനി രാമചന്ദ്രൻ, രജനി രാജൻ (മെമ്പർഷിപ്പ് സെക്രട്ടറിമാർ) എന്നിവരും ചുമതലയേറ്റു. ഷബീല റസൂൽ, സന്ധ്യ സതീഷ് എന്നിവരാണ് വനിതാ വിഭാഗം എക്സിക്യൂട്ടീവ് അംഗങ്ങൾ. വരും വർഷങ്ങളിൽ സാമൂഹിക സേവന പ്രവർത്തനങ്ങൾക്കും സാംസ്കാരിക പരിപാടികൾക്കും കൂടുതൽ ഊന്നൽ നൽകി സംഘടനയുടെ പ്രവർത്തനങ്ങൾ വിപുലമാക്കുമെന്ന് പുതിയ നേതൃത്വം വ്യക്തമാക്കി.
േി്േി
