ബഹ്റൈൻ ദേശീയ ദിനാഘോഷം: ബഹ്റൈൻ കേരളീയ സമാജം മെഗാ ചിത്രകലാ മത്സരം സംഘടിപ്പിക്കുന്നു
പ്രദീപ് പുറവങ്കര / മനാമ
ബഹ്റൈന്റെ 54-ാമത് ദേശീയ ദിനാഘോഷത്തിനോടനുബന്ധിച്ച് ബഹ്റൈൻ കേരളീയ സമാജം (ബി.കെ.എസ്) 'ഇലസ്ട്ര 2025' എന്ന പേരിൽ കുട്ടികൾക്കായി മെഗാ ചിത്രകലാ മത്സരം സംഘടിപ്പിക്കുന്നു. 2025 ഡിസംബർ 16-ന് സമാജം ഡയമണ്ട് ജൂബിലി ഹാളിൽ വെച്ചാണ് മത്സരം നടക്കുക.
2025 ഡിസംബർ 10 അടിസ്ഥാനമാക്കി 3 വയസ്സുമുതൽ 17 വയസ്സുവരെയുള്ള കുട്ടികളെ അഞ്ച് ഗ്രൂപ്പുകളായാണ് മത്സരം ഒരുക്കിയിരിക്കുന്നത്. ഗ്രൂപ്പ് ഒന്ന് 3 മുതൽ 5 വയസ്സുവരെയുള്ളവർക്കും ഗ്രൂപ്പ് രണ്ട് 6 മുതൽ 8 വയസ്സുവരെയുള്ളവർക്കും ഗ്രൂപ്പ് മൂന്ന് 9 മുതൽ 11 വയസ്സുവരെയുള്ളവർക്കും ഗ്രൂപ്പ് നാല് 12 മുതൽ 14 വയസ്സുവരെയുള്ളവർക്കും ഗ്രൂപ്പ് അഞ്ച് 15 മുതൽ 17 വയസ്സുവരെയുള്ള കുട്ടികൾക്കുമായാണ് ക്രമീകരിച്ചിരിക്കുന്നത്.
മത്സരത്തിൽ വിജയികളാകുന്നവർക്ക് ക്യാഷ് പ്രൈസ് ഉൾപ്പെടെ ട്രോഫികളും സർട്ടിഫിക്കറ്റുകളും ലഭിക്കുന്നതാണ്. കൂടാതെ, മത്സരത്തിനായി തിരഞ്ഞെടുക്കുന്ന മികച്ച ചിത്രങ്ങൾക്ക് പ്രോത്സാഹന സമ്മാനങ്ങളും നൽകും.
കൂടുതൽ വിവരങ്ങൾക്കും രജിസ്ട്രേഷനും വേണ്ടി കലാ വിഭാഗം സെക്രട്ടറി റിയാസ് ഇബ്രാഹിം (33189894), ജനറൽ കൺവീനർ ബിനു വേലിയിൽ (3944 0530), ജോയിന്റ് കൺവീനർമാർ ആയ ജയരാജ് ശിവദാസൻ (3926 1081), റാണി രഞ്ജിത്ത് (3962 9148), രജിസ്ട്രേഷൻ കൺവീനർ രേണു ഉണ്ണികൃഷ്ണൻ (3836 0489) എന്നിവരുമായി ബന്ധപ്പെടാവുന്നതാണെന്ന് ഭാരവാഹികൾ അറിയിച്ചു.
dfs
