ബഹ്‌റൈൻ നവകേരളയുടെ കുടുംബസംഗമം: മന്ത്രി ജി.ആർ. അനിൽ ഉദ്ഘാടനം ചെയ്തു
പ്രദീപ് പുറവങ്കര
മനാമ: ബഹ്‌റൈൻ നവകേരളയുടെ ആഭിമുഖ്യത്തിൽ സംഘടിപ്പിച്ച കുടുംബസംഗമം കേരള സംസ്ഥാന ഭക്ഷ്യ-സിവിൽ സപ്ലൈസ് വകുപ്പ് മന്ത്രി ജി. ആർ. അനിൽ ഉദ്ഘാടനം ചെയ്തു. പ്രവാസി ക്ഷേമം ലക്ഷ്യമിട്ട് കേരളത്തിൽ നടപ്പിലാക്കിക്കൊണ്ടിരിക്കുന്ന വിവിധ പദ്ധതികളെക്കുറിച്ച് മന്ത്രി ചടങ്ങിൽ വിശദമായി സംസാരിച്ചു.
ബഹ്‌റൈനിലെ സാമൂഹിക-സാംസ്കാരിക മേഖലയിൽ പ്രവർത്തിക്കുന്ന നിരവധി പേർ കുടുംബസംഗമത്തിൽ പങ്കെടുത്തു. ജീവകാരുണ്യ പ്രവർത്തനങ്ങളിൽ ശ്രദ്ധേയനായ മനാമ സെൻട്രൽ മാർക്കറ്റ് അസോസിയേഷൻ മുൻ പ്രസിഡന്റ് റഹിം വാവക്കുഞ്ഞിന്റെ അഭാവത്തിൽ അദ്ദേഹത്തിന്റെ മകൻ അൻസിൽ ബഷീർ, ബിസിനസ് രംഗത്ത് 25 വർഷം പൂർത്തിയാക്കിയ കെ. ആർ. പ്രദീപ് കുമാർ എന്നിവർക്ക് മന്ത്രി നവകേരളയുടെ ഉപഹാരങ്ങൾ സമ്മാനിച്ചു.
നവകേരള പ്രസിഡന്റ് എൻ. കെ. ജയൻ അധ്യക്ഷത വഹിച്ച യോഗത്തിൽ സെക്രട്ടറി എ. കെ. സുഹൈൽ സ്വാഗതം ആശംസിച്ചു. കോർഡിനേഷൻ സെക്രട്ടറിയും ലോക കേരള സഭാംഗവുമായ ജേക്കബ് മാത്യു, ലോക കേരള സഭാംഗം ഷാജി മൂതല എന്നിവർ ആശംസകൾ നേർന്നു സംസാരിച്ചു. വൈസ് പ്രസിഡന്റ് ഷാജഹാൻ കരിവന്നൂർ പരിപാടിയുടെ എം.സി. ആയിരുന്നു. ജോയിന്റ് സെക്രട്ടറി പ്രശാന്ത് മാണിയത്ത് നന്ദി പ്രകാശിപ്പിച്ചു.
ertert
