ലാൽകെയേഴ്‌സിന്‍റെ ''ഹൃദയപൂര്‍വ്വം തുടരും ലാലേട്ടന്‍'' ശ്രദ്ധേയമായി
പ്രദീപ് പുറവങ്കര
മനാമ l ബഹ്‌റൈനിലെ മോഹൻലാൽ ആരാധക കൂട്ടായ്മയായ ലാൽകെയേഴ്‌സ് പദ്മഭൂഷൺ മോഹൻലാലിന് ലഭിച്ച ദാദാ സാഹേബ് ഫാൽക്കെ പുരസ്‌കാരവും 2025-ലെ ഓണാഘോഷവും സംയുക്തമായി "ഹൃദയപൂർവ്വം തുടരും ലാലേട്ടൻ" എന്ന പേരിൽ ആഘോഷിച്ചു.
sfsdzf
zdfdzfx
മാധ്യമപ്രവർത്തക രാജി ഉണ്ണികൃഷ്ണൻ പരിപാടി ഉദ്ഘാടനം ചെയ്തു. ലാൽകെയേഴ്‌സ് കോ-ഓർഡിനേറ്റർ ജഗത് കൃഷ്ണകുമാർ സ്വാഗതം പറഞ്ഞ പരിപാടിയിൽ പ്രസിഡന്റ് ഫൈസൽ എഫ്. എം അധ്യക്ഷത വഹിച്ചു. മോഹൻലാലിനെ രണ്ടു തവണ ബഹ്‌റൈനിൽ എത്തിച്ച പ്രമുഖ ഈവന്റ് ഓർഗനൈസർ മുരളീധരൻ പള്ളിയത്തിനെ ചടങ്ങിൽ ആദരിച്ചു. തുടർന്ന് മോഹൻലാലിന് ലഭിച്ച ദാദാ സാഹേബ് ഫാൽക്കെ പുരസ്‌കാരം ലഭിച്ചതിലുള്ള സന്തോഷം പ്രകടിപ്പിച്ച് കേക്ക് മുറിച്ചും ആഘോഷിച്ചു.
dsfsd
സിനിമാതാരം സന്ധ്യ, സെക്രട്ടറി ഷൈജു കമ്പ്രത്ത് എന്നിവർ ആശംസകൾ നേർന്നു. ട്രഷറർ അരുൺ ജി നെയ്യാർ നന്ദി പറഞ്ഞു. വിവിധ കലാപരിപാടികൾ, ഓണക്കളികൾ എന്നിവ ആഘോഷങ്ങൾക്ക് മിഴിവേകി. അംഗങ്ങൾക്കും ക്ഷണിക്കപ്പെട്ട അതിഥികൾക്കുമായി വിഭവ സമൃദ്ധമായ ഓണസദ്യയും ഒരുക്കിയിരുന്നു. കെ.പി.എ സിംഫണി അവതരിപ്പിച്ച മോഹൻലാൽ ഹിറ്റ് ഗാനങ്ങളുടെ ഗാനോപഹാരം പരിപാടിക്ക് പകിട്ടേറ്റി.
zcxzc
വൈസ് പ്രസിഡന്റ് അരുൺ തൈക്കാട്ടിൽ, ജെയ്സൺ, ജോയിൻ സെക്രട്ടറി വിഷ്ണു വിജയൻ, എക്സിക്യൂട്ടീവ് അംഗങ്ങളായ വിപിൻ, ബിബിൻ, നിധിൻ തമ്പി, തുളസിദാസ്, ഷാൻ, അമൽ, വൈശാഖ്, ബേസിൽ എന്നിവർ പരിപാടികൾക്ക് നേതൃത്വം നൽകി.
xfgxg
