ബഹ്റൈനിലെ കായംകുളം പ്രവാസി കൂട്ടായ്‌മയുടെ ആഭിമുഖ്യത്തിൽ സ്വാതന്ത്ര്യദിന ആഘോഷവും മെഡിക്കൽ ക്യാമ്പും സംഘടിപ്പിച്ചു
പ്രദീപ് പുറവങ്കര
മനാമ l ബഹ്റൈനിലെ കായംകുളം പ്രവാസി കൂട്ടായ്‌മയുടെ ആഭിമുഖ്യത്തിൽ സ്വാതന്ത്ര്യദിന ആഘോഷവും മെഡിക്കൽ ക്യാമ്പും സംഘടിപ്പിച്ചു. മനാമ അൽ ഹിലാൽ മെഡിക്കൽ സെന്ററുമായി സഹകരിച്ച് നടത്തിയ സൗജന്യ മെഡിക്കൽ ക്യാമ്പിൽ 350 ഓളം പേർ പങ്കെടുത്തു. കായംകുളം പ്രവാസി കൂട്ടായ്മ പ്രസിഡന്റ് അനിൽ ഐസക്കിന്റെ അധ്യക്ഷതയിൽ നടന്ന ഔദ്യോഗിക ചടങ്ങിൽ ജനറൽ സെക്രട്ടറി ജയേഷ് താന്നിക്കൽ സ്വാഗതം പറഞ്ഞു.
ആംസ്റ്റർ കൺസൾട്ടൻസി ഗ്രൂപ്പ് എംഡി പാർവതിമായ കേക്ക് മുറിച്ച് ആഘോഷപരിപാടികൾ ഉദ്ഘാടനം ചെയ്തു. ഫോർ പി എം ന്യൂസ് എക്സിക്യുട്ടീവ് എഡിറ്റർ പ്രദീപ് പുറവങ്കര സ്വാതന്ത്ര്യ ദിന സന്ദേശം നൽകി. അൽ ഹിലാൽ ഹോസ്പിറ്റൽ ഗ്രൂപ്പ് വൈസ് പ്രസിഡണ്ട് ആസിഫ് മുഹമദ്, അൽ ഹിലാൽ ഹോസ്പിറ്റൽ മനാമ ബ്രാഞ്ച് ഹെഡ് ജേക്കബ് സിറിയക്, ആംസ്റ്റർ കൺസൾട്ടൻസി ഗ്രൂപ്പ് ജനറൽ മാനേജർ അജു ജോർജ്, കായംകുളം പ്രവാസി കൂട്ടായ്മ ട്രഷറർ തോമസ് ഫിലിപ്പ്, മെഡിക്കൽ ക്യാമ്പ് കൺവീനർ അനൂപ് ശ്രീരാഗ്, ഇ വി രാജീവൻ എന്നിവർ ആശംസകൾ നേർന്നു.
രാജേഷ് പെരുങ്കുഴി അവതാരകനായ പരിപാടിയിൽ കൺവീനർ അനസ് റഹിം നന്ദി പറഞ്ഞു.
sdsf
