'നിറക്കൂട്ട് ചാരുംമൂട് പ്രവാസി കൂട്ടായ്മ' വിഷു - ഈദ് - ഈസ്റ്റർ പരിപാടിയും കുടുംബ സംഗമവും സംഘടിപ്പിച്ചു
ആലപ്പുഴ ജില്ലയിലെ ചാരുംമൂട്ടിലെയും പരിസര പ്രദേശങ്ങളിലെയും ബഹ്‌റൈൻ പ്രവാസികളുടെ കൂട്ടായ്മയായ 'നിറക്കൂട്ട് ചാരുംമൂട് പ്രവാസി കൂട്ടായ്മ' വിഷു - ഈദ് - ഈസ്റ്റർ പരിപാടിയും കുടുംബ സംഗമവും സംഘടിപ്പിച്ചു. പരിപാടിയിൽ നൂറിലേറെ അംഗങ്ങളും കുടുംബാംഗങ്ങളും പങ്കെടുത്തു. ബഹ്‌റൈനിലെ വിവിധ കലാകാരന്മാരും നിറക്കൂട്ട് കുടുംബത്തിലെ കുട്ടികളും മുതിർന്നവരും അവതരിപ്പിച്ച നിരവധി കലാപരിപാടികൾ പരിപാടിയെ വർണ്ണാഭമാക്കി. പ്രോഗ്രാം കൺവീനർ സനിൽ വള്ളികുന്നം നേതൃത്വം നൽകി.
നിറക്കൂട്ട് പ്രസിഡൻറ് കെ. കെ ബിജു അധ്യക്ഷത വഹിച്ച ചടങ്ങിൽ സെക്രട്ടറി പ്രസന്നകുമാർ സ്വാഗതം ആശംസിച്ചു. കലാകാരന്മാരായ ഹരീഷ് മേനോനും ജഗദീഷ് ശിവനും ചേർന്ന് ഭദ്രദീപം തെളിയിച്ചു പരിപാടിയുടെ ഉദ്ഘാടനം നിർവഹിച്ചു. രക്ഷാധികാരി സിബിൻ സലിം ആശംസയും ട്രഷറർ വിജു നന്ദിയും അറിയിച്ചു. സംഘടനയിൽ അംഗങ്ങളാകാൻ താല്പര്യം ഉള്ള പ്രദേശവാസികൾക്കു 3320 4247 അല്ലെങ്കിൽ 3908 7184 എന്നീ നമ്പറുകളിൽ ബന്ധപ്പെടാവുന്നതാണ്.
േ്ിേി
