ഭക്ഷ്യവിഷബാധയേറ്റ് പ്രവാസി മലയാളി മരിച്ചു
സലാല: ഒമാനിൽ മലയാളി ഭക്ഷ്യവിഷബാധയേറ്റ് മരിച്ചു. കോഴിക്കോട് കാപ്പാട് സ്വദേശി നന്ദിചണ്ടി താഴെവീട്ടിൽ അബൂബക്കറിന്‍റെ മകൻ സക്കറിയ(46)ആണ് സലാലയിൽ മരിച്ചത്. മൂന്ന് ദിവസമായി സലാലയിലെ സുൽത്താൻ ഖാബൂസ് ആശുപത്രിയിലെ അത്യാഹിത വിഭാഗത്തിൽ ചികിത്സയിലായിരുന്നു. ഇത്തീനിലെ ഒരു സ്വകാര്യ ഭക്ഷണശാലയിലെ ജീവനക്കാരനായിരുന്നു സക്കറിയ. ഭക്ഷ്യവിഷബാധ മൂലമായിരുന്നു ആശുപത്രിയിൽ ചികിത്സയിലായതെന്ന് സുഹൃത്തുക്കൾ പറഞ്ഞു. മൃതശരീരം സലാല ഖാബൂസ് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.
