ആന്ധ്രയിൽ ബസ് പുഴയിലേക്ക് മറിഞ്ഞ് ഒൻപത് പേർ മരിച്ചു
ഹൈദരാബാദ്: ആന്ധ്ര പ്രദേശിൽ ബസ് പുഴയിലേക്ക് മറിഞ്ഞ് ഒൻപത് പേർ മരിച്ചു. വെസ്റ്റ് ഗോദാവരി ജില്ലയിലാണ് സംഭവം. ഇന്ന് രാവിലെ 11 മണിയോടെയാണ് സംഭവം. ബസ് നിയന്ത്രണം വിട്ട് പുഴയിലേക്ക് മറിയുകയായിരുന്നു. 26 പേരാണ് ബസിലുണ്ടായിരുന്നത്. ഒന്പത് പേരുടെ മരണം സ്ഥിരീകരിച്ചു.
മരിച്ചവരിൽ അഞ്ച് പേർ സ്ത്രീകളാണ്. ബസ് ഡ്രൈവറും മരിച്ചു. യാത്രക്കാരെ മുഴുവന് പുറത്തെത്തിക്കാനായിട്ടില്ല. രക്ഷാപ്രവർത്തനം തുടരുകയാണ്. പരിക്കേറ്റവർക്ക് അടിയന്തര സഹായം എത്തിക്കാൻ ഗവർണർ ജില്ലാ അധികൃതർക്ക് നിർദേശം നൽകി. അശ്വരോപേട്ടയിൽ നിന്ന് ജങ്കറെഡ്ഡിഗുഡെമിലേക്ക് പോവുകയായിരുന്നു ബസ്.
