ഹെലികോപ്റ്റർ അപകടം; ദൃശ്യങ്ങള് പകര്ത്തിയ മൊബൈല് ഫോണ് പരിശോധനയ്ക്കയച്ചു
കൂനൂര് സൈനിക ഹെലികോപ്റ്റര് അപകടത്തിന് തൊട്ടുമുന്പ് ദൃശ്യങ്ങള് പകര്ത്തിയ മൊബൈല്ഫോണ് ഫൊറന്സിക് പരിശോധയ്ക്കയച്ചു. ഹെലികോപ്റ്റര് അപകടത്തെക്കുറിച്ച് വിവരം നല്കിയവരുടെ മൊഴി വീണ്ടും രേഖപ്പെടുത്താനാണ് അന്വേഷണ സംഘത്തിന്റെ നീക്കം. അപകടം നടന്ന പ്രദേശത്തെ ഹെട്രാന്സ്മിഷന് വൈദ്യുതി ലൈനുകള് കേന്ദ്രീകരിച്ചും അന്വേഷണം നടക്കുകയാണ്. വനമേഖലയിലും തോട്ടങ്ങളിലും സ്പെഷ്യല് ടാസ്ക് ഫോഴ്സിന്റെ തെരച്ചില് പുരോഗമിക്കുകയാണ്.
അതിനിടെ തകര്ന്ന ഹെലികോപ്റ്ററിന്റെ യന്ത്ര ഭാഗങ്ങള് അന്വേഷണ സംഘം നീക്കും. വെല്ലിംഗ്ടണ് ആര്മി കന്റോണ്മെന്റിലേക്കാണ് യന്ത്ര ഭാഗങ്ങള് കൊണ്ടു പോകുക. പ്രദേശത്ത് ശാസ്ത്രീയ പരിശോധന ഇന്നും തുടരുകയാണ്.
