മഹാരാഷ്ട്രയിൽ മതപരിവർത്തന നിരോധന നിയമം പ്രാബല്യത്തിൽ വന്നു
ഷീബ വിജയൻ
നിർബന്ധിതവും ഭീഷണിപ്പെടുത്തിയുമുള്ള മതപരിവർത്തനങ്ങൾ തടയാൻ ലക്ഷ്യമിട്ടുള്ള മഹാരാഷ്ട്ര ധർമ്മ സ്വാതന്ത്ര്യ നിയമം സംസ്ഥാനത്ത് ഔദ്യോഗികമായി പ്രാബല്യത്തിൽ വന്നു. ബില്ലിന് രാഷ്ട്രപതിയുടെ അംഗീകാരം ലഭിച്ചതിനെ തുടർന്ന് സർക്കാർ ഗസറ്റ് വിജ്ഞാപനം പുറപ്പെടുവിച്ചു. ഇതോടെ മതപരിവർത്തന നിരോധന നിയമം നടപ്പിലാക്കുന്ന രാജ്യത്തെ 13-ാമത്തെ സംസ്ഥാനമായി മഹാരാഷ്ട്ര മാറി. ബലം പ്രയോഗിച്ചോ പ്രലോഭനങ്ങൾ നൽകിയോ നടത്തുന്ന മതപരിവർത്തനങ്ങൾക്ക് ഏഴ് വർഷം വരെ തടവും പിഴയും ലഭിക്കും. മതം മാറാൻ ആഗ്രഹിക്കുന്നവർ 60 ദിവസം മുൻപ് ജില്ലാ അധികാരിക്ക് നോട്ടീസ് നൽകണം. വ്യക്തിസ്വാതന്ത്ര്യത്തിന്റെ ലംഘനമാണിതെന്ന് സിവിൽ അവകാശ ഗ്രൂപ്പുകൾ ആരോപിക്കുമ്പോൾ, ദുരുപയോഗം തടയാനാണ് നിയമമെന്നാണ് സർക്കാരിന്റെ വിശദീകരണം.
ddfsdfsds
