ആഗോള എഐ ഭൂപടത്തിൽ ഇന്ത്യ; 'ഇന്ത്യ എഐ ഇംപാക്ട് ഉച്ചകോടി'ക്ക് തുടക്കമായി
ഷീബ വിജയൻ
ന്യൂഡൽഹി: ആർട്ടിഫിഷ്യൽ ഇന്റലിജൻസ് (എഐ) മേഖലയിൽ ഇന്ത്യയുടെ കരുത്ത് തെളിയിക്കുന്ന മെഗാ ടെക് ഉച്ചകോടിക്ക് ന്യൂഡൽഹിയിൽ തുടക്കമായി. ഗൂഗിൾ സിഇഒ സുന്ദർ പിച്ചൈ, ഓപ്പൺ എഐയുടെ സാം ആൾട്ട്മാൻ തുടങ്ങിയ ആഗോള പ്രമുഖർ പങ്കെടുക്കുന്ന ഉച്ചകോടി സാങ്കേതിക ലോകത്തെ ഇന്ത്യയുടെ വളർച്ച ലക്ഷ്യമിട്ടുള്ളതാണ്. ഫ്രഞ്ച് പ്രസിഡന്റ് ഇമ്മാനുവൽ മക്രോൺ സമാപന സമ്മേളനത്തിൽ മുഖ്യപ്രഭാഷണം നടത്തും.
ഇന്ത്യയുടെ തനതായ ഭാഷാ വൈവിധ്യത്തെ ഉൾക്കൊള്ളുന്ന എഐ മോഡലുകളാണ് ഉച്ചകോടിയുടെ പ്രത്യേകത. 22 ഇന്ത്യൻ ഭാഷകളെ പിന്തുണയ്ക്കുന്ന 'പരം-2', സർക്കാർ സഹായത്തോടെയുള്ള 'ഭാരത്ജെൻ' എന്നീ മോഡലുകൾ സമ്മേളനത്തിൽ അവതരിപ്പിക്കും. നിലവിൽ എഐ മത്സരരംഗത്ത് ലോകത്ത് മൂന്നാം സ്ഥാനത്തുള്ള ഇന്ത്യ, കുറഞ്ഞ ചിലവിൽ സാധാരണക്കാർക്ക് എഐ സേവനങ്ങൾ ലഭ്യമാക്കാനാണ് ഇതിലൂടെ ലക്ഷ്യമിടുന്നത്.
eqweqweqw3eqw
