വ്യാജ അഭിഭാഷക സെസി സേവ്യര്‍ പോലീസ് കസ്റ്റഡിയില്‍
വ്യാജ അഭിഭാഷക സെസി സേവ്യര്‍ പോലീസ് കസ്റ്റഡിയില്‍. ആലപ്പുഴ ചീഫ് ജുഡീഷ്യല്‍ മജിസ്‌ട്രേറ്റ് കോടതിയാണ് പ്രതിയെ എട്ടുദിവസം പോലീസ് കസ്റ്റഡിയില്‍ വിട്ടത്. എല്‍എല്‍ബി പാസാകാത്ത സെസി തിരുവനന്തപുരം സ്വദേശിനിയായ മറ്റൊരു അഭിഭാഷകയുടെ റോള്‍ നമ്പര്‍ ഉപയോഗിച്ചാണ് പ്രാക്ടീസ് ചെയ്തിരുന്നത്. 2019ൽ സെസി ആലപ്പുഴ ബാര്‍ അസോസിയേഷനില്‍ അംഗത്വമെടുത്തിരുന്നു. പിന്നീട് അസോസിയേഷന്‍ ലൈബ്രേറിയനായും തെരഞ്ഞെടുക്കപ്പെട്ടു. ഇവരുടെ തട്ടിപ്പ് കണ്ടെത്തിയ അസോസിയേഷന്‍ സെസിയെ പുറത്താക്കി.
ബാര്‍ അസോസിയേഷന്‍ പോലീസില്‍ പരാതിപ്പെട്ടതോടെ സെസി ഒളിവില്‍ പോവുകയായിരുന്നു. 21 മാസമായി ഒളിവില്‍ കഴിഞ്ഞിരുന്ന സെസി കഴിഞ്ഞ 26നാണ് കോടതിയില്‍ കീഴടങ്ങിയത്. ഐ.പി.സി. 417( വഞ്ചന), 419, 420( ആള്‍മാറാട്ടം) എന്നിവയാണ് ഇവർക്കെതിരേ ചുമത്തിയിരുന്നത്. പ്രതി ഒളിവില്‍ കഴിഞ്ഞിരുന്ന സ്ഥലങ്ങളില്‍ ഉള്‍പ്പെടെ എത്തിച്ച് അന്വേഷണസംഘം തെളിവെടുക്കും.
ADSADS
