ഇഡി റെയ്ഡ് പിണറായി വിജയന് രാഷ്ട്രീയ ജീവവായുവായി; പാർട്ടിയിൽ ഐക്യം ശക്തം
ഷീബ വിജയൻ
നിയമസഭാ തെരഞ്ഞെടുപ്പിലെ ദയനീയ പരാജയത്തെ തുടർന്ന് സിപിഎമ്മിനുള്ളിൽ മുൻ മുഖ്യമന്ത്രി പിണറായി വിജയനെതിരെ താഴേത്തട്ടിൽ വലിയ വിമർശനങ്ങൾ ഉയരുന്നതിനിടെ, അദ്ദേഹത്തിന്റെ വസതികളിൽ ഇഡി നടത്തിയ മിന്നൽ പരിശോധനകൾ പിണറായിക്ക് പുതിയ രാഷ്ട്രീയ ഊർജ്ജമായി മാറുന്നു. തെരഞ്ഞെടുപ്പ് പരാജയത്തിന്റെ പേരിൽ വില്ലൻ സ്ഥാനത്തുണ്ടായിരുന്ന പിണറായിയെ ഈ റെയ്ഡ് ഒറ്റയടിക്ക് അണികളുടെ പോരാട്ട വീര്യത്തിന്റെ പ്രതീകമാക്കി മാറ്റി. ജൂൺ 5-ന് നടക്കാനിരിക്കുന്ന തെരഞ്ഞെടുപ്പ് അവലോകന യോഗങ്ങൾക്ക് മുന്നോടിയായി പാർട്ടിയിൽ ആഭ്യന്തര കലഹം രൂക്ഷമാകേണ്ടതായിരുന്നു എങ്കിലും, ഇഡി നീക്കത്തോടെ പാർട്ടിയിൽ വലിയ രാഷ്ട്രീയ ഐക്യം രൂപപ്പെട്ടു. കേന്ദ്ര ഏജൻസികളെ ബിജെപി സർക്കാർ രാഷ്ട്രീയമായി ദുരുപയോഗം ചെയ്യുകയാണെന്ന വികാരം അണികളിൽ ശക്തമാണ്. ദേശീയതലത്തിൽ ഡിഎംകെ, ആം ആദ്മി പാർട്ടി തുടങ്ങിയ പ്രതിപക്ഷ കക്ഷികൾ ഈ റെയ്ഡിനെ അപലപിക്കുകയും പിണറായിക്ക് പിന്തുണ പ്രഖ്യാപിക്കുകയും ചെയ്തിട്ടുണ്ട്.
sdsas
