വിഷു ബമ്പർ അടിച്ച ഭാഗ്യശാലി കൊല്ലം സ്വദേശിയായ ലോട്ടറി വിൽപ്പനക്കാരൻ
ഷീബ വിജയൻ
കേരള സംസ്ഥാന ലോട്ടറി വകുപ്പിന്റെ 12 കോടി രൂപ ഒന്നാം സമ്മാനമുള്ള വിഷു ബമ്പർ ഭാഗ്യശാലിയെ കണ്ടെത്തി. കൊല്ലം കരുനാഗപ്പള്ളി ആനയടി സ്വദേശിയായ പൊന്നൻ എന്ന വ്യക്തിക്കാണ് ഇത്തവണത്തെ കോടികളുടെ ബമ്പർ സമ്മാനം അടിച്ചിരിക്കുന്നത്. സ്ഥിരമായി അവസാന അക്കം രണ്ട് വരുന്ന ടിക്കറ്റുകൾ എടുക്കാറുള്ള പൊന്നന്റെ കൈകളിലേക്ക് ഇത്തവണ ഭാഗ്യം എത്തിയത് VB 135452 എന്ന ടിക്കറ്റ് നമ്പറിലൂടെയാണ്. കരുനാഗപ്പള്ളി മണപ്പള്ളിയിലുള്ള അമ്മ ലോട്ടറി ഏജൻസിയിൽ നിന്നാണ് ഇദ്ദേഹം ടിക്കറ്റെടുത്തത്. ലോട്ടറി വിൽപ്പനക്കാരനായ മകൻ വിനോദിന് അസുഖം ബാധിച്ചതിനെ തുടർന്ന് വിൽപനയ്ക്കുള്ള ടിക്കറ്റുകൾ എടുക്കാൻ പോയപ്പോഴാണ് പൊന്നൻ സ്വന്തമായി ഈ ടിക്കറ്റ് വാങ്ങിയത്. ഇത്തവണ രണ്ടാം സമ്മാനമായ ഒരു കോടി രൂപ വീതം ആറ് പരമ്പരകൾക്കായി ലഭ്യമാകും. വൻ ജനപങ്കാളിത്തത്തോടെ നടന്ന വിഷു ബമ്പർ നറുക്കെടുപ്പിലൂടെ സ്വന്തം ജീവിതം മാറിമറിഞ്ഞതിന്റെ സന്തോഷത്തിലാണ് ഈ സാധാരണക്കാരനായ പ്രവാസി കുടുംബം.
asasasas
