പിണറായി വിജയനും മുഹമ്മദ് റിയാസിനുമെതിരായ വിജിലൻസ് അന്വേഷണം; പ്രത്യേക അന്വേഷണ സംഘങ്ങളെ രൂപീകരിച്ചു
ശാരിക
തിരുവനന്തപുരം: മുൻ മുഖ്യമന്ത്രിയും പ്രതിപക്ഷ നേതാവുമായ പിണറായി വിജയൻ, മുൻമന്ത്രി മുഹമ്മദ് റിയാസ് എന്നിവർക്കെതിരായ വിജിലൻസ് അന്വേഷണത്തിനായി രണ്ട് പ്രത്യേക അന്വേഷണ സംഘങ്ങളെ രൂപീകരിച്ചു. ഡിഐജി തോംസൺ ജോസിന്റെ മേൽനോട്ടത്തിലാണ് രണ്ട് കേസുകളുടെയും അന്വേഷണം നടക്കുന്നത്. ഇഡി നൽകിയ റിപ്പോർട്ടിന്റെയും ഹൈക്കോടതി നിർദേശത്തിന്റെയും അടിസ്ഥാനത്തിലാണ് വിജിലൻസ് രണ്ട് വെവ്വേറെ എഫ്ഐആറുകൾ രജിസ്റ്റർ ചെയ്തത്.
പിണറായി വിജയൻ ഒന്നാം പ്രതിയായ മാസപ്പടി കേസ് എസ്പി ഇ.എൻ സുരേഷും, മുഹമ്മദ് റിയാസ് ഒന്നാം പ്രതിയായ കള്ളപ്പണ-ഹവാല ഇടപാട് കേസ് കോഴിക്കോട് സ്പെഷ്യൽ സെൽ എസ്പി ബാലകൃഷ്ണനുമാണ് അന്വേഷിക്കുന്നത്. അഴിമതി നിരോധന നിയമപ്രകാരം എടുത്ത ഈ രണ്ട് കേസുകളിലും മുൻ മുഖ്യമന്ത്രിയുടെ മകളും മുഹമ്മദ് റിയാസിന്റെ ഭാര്യയുമായ വീണ വിജയൻ രണ്ടാം പ്രതിയാണ്. എന്നാൽ അന്വേഷണം രാഷ്ട്രീയ പ്രേരിതമാണെന്നും നിയമപരമായി നേരിടുമെന്നുമാണ് സിപിഎം നേതൃത്വത്തിന്റെ നിലപാട്.
szfdsf
