കൊച്ചിയിൽ നടി ആക്രമിക്കപ്പെട്ട കേസ്; മൂന്നാം പ്രതി ജീവനൊടുക്കാൻ ശ്രമിച്ചു
ശാരിക / കൊച്ചി
കൊച്ചിയിൽ നടി ആക്രമിക്കപ്പെട്ട കേസിലെ മൂന്നാം പ്രതിയായ മണികണ്ഠൻ ഇന്ന് പുലർച്ചെ ജീവനൊടുക്കാൻ ശ്രമിച്ചു. മദ്യലഹരിയിൽ കൈഞരമ്പ് മുറിക്കുകയായിരുന്നു. കേസിൽ ഡിസംബർ എട്ടിന് വിധി പറയാനിരിക്കെയാണ് ഈ സംഭവം. മദ്യപിച്ച് പ്രശ്നമുണ്ടാക്കിയതിനെ തുടർന്ന് പാലാരിവട്ടം പൊലീസ് ഇയാളെ കസ്റ്റഡിയിൽ എടുക്കുകയും പിന്നീട് വിട്ടയക്കുകയും ചെയ്തിരുന്നു.
അറസ്റ്റ് ചെയ്ത് വിട്ടയച്ചതിന് പിന്നാലെ കടയിൽ നിന്നും ബ്ലേഡ് വാങ്ങി കൈ ഞരമ്പ് മുറിക്കുകയായിരുന്നു. തുടർന്ന് നാട്ടുകാരും പോലീസും ചേർന്നാണ് ആശുപത്രിയിൽ എത്തിച്ചത്. ക്വട്ടേഷൻ പ്രകാരം അപകീർത്തികരമായ ദൃശ്യങ്ങൾ പകർത്താൻ നടിയെ തട്ടിക്കൊണ്ടുപോയി പീഡിപ്പിച്ചെന്നാണ് കേസ്.
ചികിത്സയ്ക്ക് ശേഷം മണികണ്ഠൻ വീട്ടിലേക്ക് മടങ്ങി. ഇയാൾ മദ്യപിച്ച് നിരന്തരം പ്രശ്നമുണ്ടാക്കുന്നയാളാണെന്ന് പൊലീസ് പറഞ്ഞു. ഒന്നാം പ്രതി പൾസർ സുനിയും എട്ടാം പ്രതി ദിലീപും അടക്കം ആകെ ഒമ്പത് പ്രതികളാണ് കേസിൽ വിചാരണ നേരിട്ടത്.
sdfsdf
