രാഹുലിന്റേത് ക്രിമിനല് രീതി, പരാതി ഉന്നയിക്കുന്നവർക്ക് സംരക്ഷണം നല്കുമെന്ന് മുഖ്യമന്ത്രി
ഷീബ വിജയൻ
തിരുവനന്തപുരം I രാഹുല് മാങ്കൂട്ടത്തിലിനെതിരേ ഉയര്ന്ന ആരോപണങ്ങള് വളരെ ഗൗരവമുള്ളതെന്ന് മുഖ്യമന്ത്രി പിണറായി വിജയൻ. രാഹുലിന്റേത് ക്രിമിനല് രീതിയാണെന്നും നിയമപരമായ നടപടിയെല്ലാം സ്വീകരിക്കുമെന്നും മുഖ്യമന്ത്രി വാർത്താസമ്മേളനത്തിൽ അറിയിച്ചു. ഗര്ഭം അലസിപ്പിച്ചില്ലെങ്കില് ഗർഭം ധരിച്ച സ്ത്രീയെ കൊല്ലാന് വലിയ സമയം വേണ്ടിവരില്ലെന്ന് പറയുന്നതൊക്കെ വലിയ ക്രിമിനൽ രീതി ആണ്. രാഹുലിനെതിരായ ആരോപണങ്ങള് കേരളീയ സമൂഹം ഏറ്റെടുത്തു. അത്തരമൊരാള് ആ സ്ഥാനത്ത് ഇരിക്കരുതെന്ന പൊതുഅഭിപ്രായം ഉണ്ട്. ആ നിലയല്ല വന്നിടത്തോളം കാണുന്നത്. എത്രകാലം പിടിച്ചുനില്ക്കാന് കഴിയുമെന്ന് അറിയില്ലെന്നും മുഖ്യമന്ത്രി പറഞ്ഞു. പൊതുപ്രവര്ത്തകര്ക്കുള്ള അംഗീകാരത്തിന് അപവാദം വരുത്തിവയ്ക്കുന്ന ചില കാര്യങ്ങളൊക്കെ ചില ഘട്ടങ്ങളിൽ സംഭവിച്ചിട്ടുണ്ട് എന്ന് വ്യക്തമാണ്. ബാക്കി കാര്യങ്ങൾ സമൂഹം തീരുമാനിക്കേണ്ടത്. അത്തരം കാര്യങ്ങളിൽ ഇപ്പോൾ അഭിപ്രായം പറയേണ്ടതില്ല. പരാതി ഉന്നയിക്കുന്നവര്ക്ക് എല്ലാ സംരക്ഷണവും സര്ക്കാര് നല്കുമെന്നും മുഖ്യമന്ത്രി കൂട്ടിച്ചേർത്തു.
ADSWDSFAS
