വെടിവെച്ചിട്ടു! അമേരിക്കയുടെ മുകളിൽ വീണ്ടും അജ്ഞാത വസ്തു
ചുരുളുകൾ അഴിയാതെ അമേരിക്കയുടെ മുകളിൽ വീണ്ടും അജ്ഞാത വസ്തു. ഈ രീതിയിൽ ഒരു ആഴ്ചയിലെ നാലാമത്തെ സംഭവം കൂടിയാണ് ഇത്. ഫെബ്രുവരി 12 ഞായാറാഴ്ച അലാസ്കയിലും കാനഡയിലും ഈ വസ്തു ആകാശത്ത് കണ്ടതിനെ തുടർന്ന് ആ പ്രദേശങ്ങളിലെ വ്യോമാതിർത്തി അമേരിക്ക അടച്ചു. തുടർന്നാണ് വസ്തുവിനെ വെടിവെച്ചിടുന്ന നടപടികളിലേക്ക് രാജ്യം കടന്നത്.
ശനിയാഴ്ചയാണ് ഈ വസ്തുവിന് ആദ്യമായി അമേരിക്കൻ റഡാറുകൾ കണ്ടെത്തുന്നത്. ആദ്യം മൊണ്ടാനക്ക് മുകളിലെ റഡാറിലാണ് കണ്ടെത്തിയത്. പിന്നീട് അപ്രതൃക്ഷമായ വസ്തു ഇന്നലെ മിഷിഗനിലെയും വിസ്കോൺസിനിലെയും റഡാറുകളിൽ പതിഞ്ഞിരുന്നു എന്നാണ് റിപോർട്ടുകൾ. അഷ്ടഭുജത്തിന്റെ ആകൃതിയിലുള്ള ഈ വസ്തു 20000 അടി ഉയരത്തിലാണ് പറന്നിരുന്നതെന്നും ആളില്ലാ വാഹനം ആയിരുന്നു എന്നും സ്ഥിരീകരിക്കാത്ത റിപോർട്ടുകൾ ഉണ്ട്.
യുഎസ്-കനേഡിയൻ അതിർത്തിയിലെ ഹുറോൺ തടാകത്തിന് മുകളിലൂടെ വസ്തു നീങ്ങുമ്പോഴാണ് അമേരിക്കയുടെ നീക്കം. അമേരിക്കൻ വ്യോമസേനയും നാഷണൽ ഗാർഡും ചേർന്നാണ് ഈ മിഷന് നേതൃത്വം നൽകിയത്. ഇതുമായി ബന്ധപ്പെട്ട മറ്റ് വിവരങ്ങൾ പുറത്ത് വന്നിട്ടില്ല. പ്രതിരോധ മന്ത്രാലയത്തിന് കീഴിലുള്ള കമാൻഡുകളിൽ റഡാറുകളുടെ പ്രവർത്തനം ശക്തമാക്കാൻ ഗവൺമെന്റ് നിർദേശം കൊടുത്തിട്ടുണ്ട്.
,jshadksajhd
