ലഡാക്കിൽ കാർഗിൽ-ലേ പാതയിൽ സൈനിക വാഹനം കൊക്കയിലേക്ക് മറിഞ്ഞു: രണ്ട് ജവാന്മാർക്ക് വീരമൃത്യു
ഷീബ വിജയൻ
ശ്രീനഗർ: ലഡാക്കിൽ സൈനിക വാഹനം കൊക്കയിലേക്ക് മറിഞ്ഞ് രണ്ട് സൈനികർക്ക് വീരമൃത്യു സംഭവിച്ചു. കാർഗിൽ ജില്ലയിലെ നമിക ലാ ചുരത്തിന് സമീപമായിരുന്നു അപകടം നടന്നത്. ബുധനാഴ്ച ഉച്ചയ്ക്ക് ഒന്നരയോടെ കാർഗിൽ-ലേ ദേശീയപാതയിലാണ് സംഭവം. നിയന്ത്രണം നഷ്ടപ്പെട്ട വാഹനം 600 അടി താഴ്ചയുള്ള കൊക്കയിലേക്ക് മറിയുകയായിരുന്നു. വാഹനം റോഡിൽനിന്ന് തെന്നിമാറിയാണ് അപകടമുണ്ടായത്. വിവരമറിഞ്ഞ് ഉടൻ സ്ഥലത്തെത്തിയ ജില്ലാ പോലീസ് സംഘം രക്ഷാപ്രവർത്തനം ആരംഭിച്ചെങ്കിലും രണ്ട് സൈനികരും സംഭവസ്ഥലത്തുവെച്ചുതന്നെ മരിച്ചു. പോസ്റ്റ്മോർട്ടത്തിനും തുടർനടപടികൾക്കുമായി ഭൗതിക ശരീരങ്ങൾ കമ്മ്യൂണിറ്റി ഹെൽത്ത് സെന്ററിലേക്ക് മാറ്റിയിട്ടുണ്ട്. അപകടത്തിന്റെ കൃത്യമായ കാരണം ഇതുവരെ വ്യക്തമായിട്ടില്ല. സംഭവത്തിൽ കേസെടുത്ത വാഖ പോലീസ് അന്വേഷണം ആരംഭിച്ചു.
dfdfsdfs
