അഫ്ഗാനിലെ കുണ്ഡൂസ് പ്രവിശ്യയിൽ സ്‌ഫോടനം; കുട്ടികൾ ഉൾപ്പെടെ ഏഴ് മരണം
കാബൂൾ: കാബൂൾ ആശുപത്രിയിലെ ഭീകരാക്രമണത്തിന് പിന്നാലെ അഫ്ഗാനിസ്താനിലെ കുണ്ഡൂസ് പ്രവിശ്യയിലും ബോംബാക്രമണം. സ്‌ഫോടനത്തിൽ ഏഴ് പേർ കൊല്ലപ്പെട്ടു. ആറ് പേർക്ക് പരിക്കേറ്റിട്ടുണ്ട്. കൊല്ലപ്പെട്ടവരിൽ കുട്ടികളുമുണ്ടെന്നാണ് വിവരം.
കുണ്ഡൂസ് പ്രവിശ്യയുടെ വടക്ക് ഭാഗത്താണ് ആക്രമണമുണ്ടായത്. ആക്രമണത്തിന്റെ ഉത്തരവാദിത്വം ആരും ഏറ്റെടുത്തിട്ടില്ല.
