സാഹിത്യ നൊബേല് ടാന്സാനിയന് നോവലിസ്റ്റ് അബ്ദുള്റസാക്ക് ഗുര്ണയ്ക്ക്
സ്റ്റോക്ക്ഹോം: സാഹിത്യത്തിനുള്ള നൊബേല് സമ്മാനം ടാന്സാനിയന് നോവലിസ്റ്റ് അബ്ദുള്റസാക്ക് ഗുര്ണയ്ക്ക്. യുകെയില് താമസിക്കുന്ന അബ്ദുള് റസാക്കിന്റെ വിഖ്യാതകൃതി 1994ല് പുറത്തിറങ്ങിയ പാരഡൈസാണ്. 2005ലെ ബുക്കര് പ്രൈസിനും വൈറ്റ്ബ്രെഡ് പ്രൈസിനും നാമനിര്ദേശം ചെയ്യപ്പെട്ടിരുന്നു. ഡെസേര്ഷന്, ബൈ ദി സീ എന്നിവയാണ് മറ്റ് കൃതികള്. സാന്സിബറില് ജനിച്ച ഗുര്ണ പഠനാര്ഥമാണ് 1968-ല് ഇംഗ്ലണ്ടിലെത്തുന്നത്. പിന്നീട് ഇംഗ്ലണ്ടില് സ്ഥിരതാമസമാക്കി. ആഫ്രിക്കന് രചനകളെക്കുറിച്ച് നിരവധി ലേഖനങ്ങള് രചിച്ചിട്ടുണ്ട്. പോസ്റ്റ് കൊളോണിയല് രചനകളെ കുറിച്ചാണ് കൂടുതല് പഠനങ്ങള് നടത്തിയത്.
