യുദ്ധഫണ്ട് കണ്ടെത്താൻ ‘അഡൽറ്റ് ഫിലിം’ വ്യവസായം നിയമവിധേയമാക്കാൻ യുക്രെയ്ൻ; ലക്ഷ്യം 30,000 ഡ്രോണുകൾ
ഷീബ വിജയൻ
റഷ്യക്കെതിരെയുള്ള യുദ്ധത്തിനുള്ള ഫണ്ട് കണ്ടെത്തുന്നതിനായി അശ്ലീല സിനിമകളുടെ നിർമ്മാണവും വിപണനവും നിയമവിധേയമാക്കാൻ യുക്രെയ്ൻ ആലോചിക്കുന്നതായി റിപ്പോർട്ട്. ഈ വ്യവസായത്തെ നിയമപരമായ സമ്പദ്വ്യവസ്ഥയിലേക്ക് കൊണ്ടുവരുന്നതിലൂടെ 25 മില്യൺ ഡോളർ വരെ നികുതി വരുമാനം നേടാനാകുമെന്നും, ഇത് ഉപയോഗിച്ച് 30,000 ഡ്രോണുകൾ വരെ വാങ്ങാൻ സാധിക്കുമെന്നും യുക്രെയ്ൻ എം.പി യാരോസ്ലാവ് ഷെൽസ്നിയാക് വ്യക്തമാക്കി.
നിലവിൽ യുക്രെയ്നിൽ അഡൽറ്റ് ഫിലിം നിർമ്മാണവും വിതരണവും ഏഴുവർഷം വരെ തടവുശിക്ഷ ലഭിക്കാവുന്ന കുറ്റമാണ്. എങ്കിലും പോലീസ് അഴിമതിയുടെ തണലിൽ ഈ വ്യവസായം രഹസ്യമായി വളരുന്നുണ്ട്. അടുത്തിടെ ഇത്തരം ക്രിയേറ്റർമാരിൽ നിന്ന് നികുതി ഈടാക്കാൻ തുടങ്ങിയതോടെ, നികുതി അടയ്ക്കുന്നവർ തന്നെ നിയമലംഘകരായി സ്വയം വെളിപ്പെടുത്തേണ്ട വിചിത്ര സാഹചര്യം ഉടലെടുത്തു. 2023-ൽ മാത്രം 7,900 യുക്രെയ്നുകാർ ‘ഒൺലിഫാൻസ്’ വഴി 131 മില്യൺ ഡോളറിലധികം സമ്പാദിച്ചിട്ടുണ്ടെന്നാണ് കണക്കുകൾ. ഈ നിയമനിർമ്മാണം പാർലമെന്റ് പരിഗണിക്കുമെന്ന് പ്രസിഡന്റ് വ്ലാദിമിർ സെലെൻസ്കി വ്യക്തമാക്കിയിട്ടുണ്ട്.
dffgdf
