ട്രംപിന്‍റെ വാർത്താസമ്മേളനത്തിനിടെ വൈറ്റ്ഹൗസിന് പുറത്ത് വെടിവയ്പ്
വാഷിംഗ്ടണ്‍ ഡിസി: അമേരിക്കൻ പ്രസിഡന്‍റ് ഡോണൾഡ് ട്രംപിന്‍റെ വാർത്താസമ്മേളനത്തിനിടെ വൈറ്റ്‌ഹൗസിനു പുറത്ത് വെടിവയ്പ്. വൈറ്റ്ഹൗസിന്‍റെ മൈതാനത്തിനു പുറത്താണ് വെടിവയ്പുണ്ടായത്. ഇതേതുടർന്നു പ്രസിഡന്‍റിനെ സുരക്ഷിത സ്ഥാനത്തേക്ക് മാറ്റി.
പ്രതിയെ ഉടൻതന്നെ സുരക്ഷാ ഉദ്യോസ്ഥർ കസ്റ്റഡിയിലെടുത്തു. സുരക്ഷാ ഉദ്യോഗസ്ഥരുടെ വെടിയേറ്റ പ്രതിയെ ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ചു. പ്രതിയെ പിടികൂടിയശേഷം ട്രംപ് വാർത്താസമ്മേളനം പുനരാരംഭിച്ചു.
