കെനിയയിൽ വിമാനാപകടം; 12 വിദേശ ടൂറിസ്റ്റുകൾ മരിച്ചു
ഷീബ വിജയൻ
നെയ്‌റോബി I കെനിയയിലെ തീരദേശ മേഖലയായ ക്വാലെയിൽ ഇന്ന് പുലർച്ചെ ചെറുവിമാനം തകർന്ന് 12 വിദേശ ടൂറിസ്റ്റുകൾ മരിച്ചു. മസായി മാര നാഷനൽ റിസർവിലേക്കുള്ള യാത്രാമധ്യേയാണ് സംഭവം. ഡയാനി എയർസ്ട്രിപ്പിൽനിന്ന് ഏകദേശം 40 കിലോമീറ്റർ അകലെയുള്ള കുന്നിൻ പ്രദേശത്തും വനത്തിനടുത്തുമാണ് അപകടമുണ്ടായതെന്ന് അധികൃതർ പറഞ്ഞു. യാത്രക്കാർ എല്ലാവരും വിദേശ വിനോദസഞ്ചാരികളാണെന്നും അവർ ഏത് രാജ്യക്കാരാണെന്നും പിന്നീട് സ്ഥിരീകരിക്കുമെന്നും ക്വാലെ കൗണ്ടി കമീഷണർ സ്റ്റീഫൻ ഒറിൻഡെ പറഞ്ഞു
സെസ്‌ന കാരവൻ വിഭാഗത്തിൽപ്പെട്ട വിമാനത്തിൽ എത്ര യാത്രക്കാരും ജീവനക്കാരും ഉണ്ടായിരുന്നു എന്നതിന്റെ കൃത്യമായ കണക്കുകൾ വ്യക്തമല്ല. പറന്നുയർന്ന് മിനിറ്റുകൾക്ക് ശേഷം വിമാനം തകർന്നുവീണ് തീപിടിക്കുകയായിരുന്നു. സംഭവസ്ഥലത്തുനിന്ന് കത്തിക്കരിഞ്ഞ വിമാനാവശിഷ്ടങ്ങളും ശരീരാവശിഷ്ടങ്ങളും കണ്ടെടുത്തതായി ഉദ്യോഗസ്ഥർ പറഞ്ഞു.
പരപരപരുപര
