പുൽവാമയിൽ വീരമൃത്യു വരിച്ച ധീര ജവാന്മാർക്ക് ആദരാഞജലികളർപ്പിച്ച് അക്ഷയ്‌ കുമാറിന്‍റെ കുറിപ്പ്‌
രാജ്യത്തെ നടുക്കിയ പുൽവാമ ഭീകരാക്രമണത്തിന് ഇന്ന്‌ മൂന്ന്‌ വയസ്സ്‌. ഈ ദിത്തിൽ വീരമൃത്യു വരിച്ച ധീര ജവാന്മാർക്ക് ഹൃദയസ്‌പർ‍ശിയായ കുറിപ്പുമായി ബോളിവുഡ്‌ താരം അക്ഷയ്‌ കുമാർ രംഗത്തെത്തിയിരിക്കുകയാണ്. പുൽവാമ ആക്രമണത്തിൽ 40 ഇന്ത്യന്‍ ധീര ജവാന്‍മാരാണ് വീരമൃത്യു വരിച്ചത്‌.
പുൽവാമയിൽ ഈ ദിനം വീരമൃത്യു വരിച്ച നമ്മുടെ എല്ലാ ധീര ജവാന്മാർക്കും എന്‍റെ ഹൃദ്യമായ ആദരാഞ്ജലികൾ. ധീര ജവാന്‍മാരുടെ പരമമായ ത്യാഗത്തിന്‌ അവരോടും അവരുടെ കുടുംബാംഗങ്ങളോടും എന്നെന്നും കടപ്പെട്ടിരിക്കും. −ഇപ്രകാരമായിരുന്നു അക്ഷയ്‌ കുമാറിന്‍റെ ട്വീറ്റ്‌. പുൽവാമ അറ്റാക്‌ എന്ന ഹാഷ്‌ടാഗും താരം പങ്കുവച്ചിട്ടുണ്ട്‌.
2019 ഫെബ്രുവരി 14ന് ജമ്മു കാശ്‌മീരിലെ പുൽവാമ ജില്ലയിലെ അവന്തിപൂരിന്‌ സമീപം സിആർപിഎഫ് വാഹനവ്യൂഹത്തിന് നേരെ ജെയ്‌ഷെ−ഇ−മുഹമ്മദ്‌ നടത്തിയ ചാവേർ ആക്രമണത്തിൽ 40 ധീര ജവാന്‍മാർ വീര മൃത്യു വരിക്കുകയായിരുന്നു.
