സിനിമകൾ തിയറ്ററിൽ തന്നെ പ്രദർശിപ്പിക്കണമെന്ന് മന്ത്രി സജി ചെറിയാൻ
തിരുവനന്തപുരം: സിനിമ തിയറ്ററിൽ തന്നെ പ്രദർശിപ്പിക്കണമെന്നാണ് സർക്കാർ നിലപാടെന്ന്‌ മന്ത്രി സജി ചെറിയാൻ. തിയറ്ററുകൾ ഇല്ലാത്ത സമയത്താണ് ഒടിടിയെ ആശ്രയിച്ചത്‌. സിനിമകൾ ആദ്യം എത്തേണ്ടത്‌ തിയറ്ററിൽ തന്നെയാണെന്നും അദ്ദേഹം പറഞ്ഞു. മരക്കാർ തിയറ്റർ റിലീസ് ഉണ്ടാവുമെന്നും അദ്ദേഹം വ്യക്തമാക്കി. സർക്കാർ ഒടിടി പ്ലാറ്റ്‌ഫോമുമായി മുന്നോട്ട് പോകുന്നത്‌ പാവപ്പെട്ട കലാകാരൻമാരെ സഹായിക്കാനാണ്.
സിനിമാ മേഖലയിലെ പ്രതിസന്ധികളും പ്രശ്‌നങ്ങളും ചർച്ച ചെയ്യാൻ മുഖ്യമന്ത്രി പിണറായി വിജയന്‍റെ നേതൃത്വത്തിൽ നവംബർ രണ്ടിന് വീണ്ടും ചർച്ച നടത്തുമെന്നും മന്ത്രി അറിയിച്ചു.
