ഇതൊരു പരസ്യമല്ല..... കോവിഡിനെതിരെ ഉപയോഗിച്ച മരുന്നുകളെ പരിചയപ്പെടുത്തി വിശാൽ
ആയുർ‍വേദ മരുന്നുകളിലൂടെ അച്ഛനും തനിക്കും കുടുംബത്തിനും കോവിഡ് ഭേദമായെന്ന് നടൻ വിശാൽ സോഷ്യൽ മീഡിയയിൽ പങ്കുവച്ചിരുന്നു. എന്നാൽ കോവിഡിന് ഇതുവരെ വാക്‌സിന്‍ കണ്ടെത്താത്ത സാഹചര്യത്തിൽ വിശാൽ കഴിച്ച മരുന്നിനെ കുറിച്ച് വ്യക്തമാക്കണം എന്ന സോഷ്യൽ മീഡിയയിൽ നിന്നും വ്യാപകമായി ആവശ്യം ഉയർ‍ന്നിരുന്നു. പിന്നാലെ താൻ കഴിച്ച സിഎഫ്എസ്−ക്യുആർ (സിറപ്പ്), ആർ‍സനിക് ആൽ‍ബം, പിഎടി (സിറപ്പ്) എന്നീ മരുന്നുകളുടെ ചിത്രങ്ങളും പങ്കുവച്ച് താരം രംഗത്തെത്തിയിരുന്നു. ഡോക്ടറെ കാണിച്ചതിന് ശേഷം മാത്രം കഴിക്കുക ചെന്നൈയിൽ എല്ലാ ആയുർ‍വേദിക്, അലോപതി സ്റ്റോറുകളിൽ ഈ മരുന്നുകൾ ലഭിക്കും എന്നും ട്വീറ്റ് ചെയ്തിരുന്നു.താൻ കഴിച്ച ആയുർ‍വേദ മരുന്നുകളെ കുറിച്ച് പറഞ്ഞ് വീണ്ടും രംഗത്തെത്തിയിരിക്കുകയാണ് വിശാൽ.
മനുഷത്വം കൊണ്ടാണ് താൻ ഇതു ഷെയർ ചെയ്യുന്നത്. ഞങ്ങളുടെ മനേജർ‍ക്കും ഈ മരുന്ന് കഴിച്ചപ്പോൾ അസുഖം ഭേദമായി എന്നാണ് വിശാൽ സോഷ്യൽ മീഡിയയിലൂടെ ഇപ്പോൾ വ്യക്തമാക്കുന്നത്. ആയുർ‍വേദിക് അലോപ്പതി മരുന്നുകൾ കുടിച്ച് ഒരാഴ്ച കൊണ്ടു തന്നെ തങ്ങൾ രോഗമുക്തരായെന്നും വിശാൽ പറയുന്നു.ആശുപത്രികളിൽ പോകാതിരിക്കാനോ ഏതെങ്കിലും ഒരു മരുന്നിനെ പരസ്യം ചെയ്യാനോ അല്ല താനിത് പറയുന്നത്. മനുഷ്യരാശിക്കായി നിസ്വാർ‍ത്ഥ സേവനം ചെയ്യുന്ന ആരോഗ്യ പ്രവർ‍ത്തകരെ താൻ മാനിക്കുന്നു. മനുഷത്വപരമായ പോസ്റ്റാണിത്. തന്റെ ഡോക്ടർ ഹരിശങ്കറിന് ഹൃദയം നിറഞ്ഞ നന്ദി എന്നും വിശാൽ സോഷ്യൽ മീഡിയയിൽ പങ്കുവച്ച വീഡിയോയിൽ പറയുന്നു.
