മെഡ്കെയർ സംഗമം ശ്രദ്ധേയമായി
സാമൂഹിക സേവന മനസോടെ പ്രവർത്തിക്കുന്ന ഡോക്ടർമാരുടെയും ആരോഗ്യ പ്രവർത്തകരുടെയും മെഡ്കെയർ സംഗമം ശ്രദ്ധേയമായി. ശാരീരിക ആരോഗ്യ കാരണങ്ങളാൽ പ്രയാസപ്പെടുന്ന സാധാരണക്കാരായ പ്രവാസികൾക്ക് സൗജന്യമായി ജീവൻ രക്ഷാ മരുന്നുകൾ നല്കി വരുന്ന പ്രവാസി വെൽഫയർ ബഹറൈന്റെ ആരോഗ്യ സേവന വിഭാഗമായ മെഡ്കെയറിന്റെ നേതൃത്വത്തിൽ പ്രവാസി സെന്ററിൽ സംഘടിപ്പിച്ച സംഗമത്തിൽ വെൽഫയർ പാർട്ടി സംസ്ഥാന പ്രസിഡന്റ് റസാഖ് പാലേരി മുഖ്യാഥിതിയായിരുന്നു. രക്തദാനം, പ്രതിരോധ ചികിത്സ, പരിസ്ഥിതി സംരക്ഷണം തുടങ്ങിയ മേഖലകളിൽ നാട്ടിൽ ടീം വെൽഫെയർ നടത്തുന്ന പ്രവർത്തനങ്ങളെ അദ്ദേഹം സദസിന് വിശദീകരിച്ചു.
പ്രവാസി വെൽഫെയർ പ്രസിഡന്റ് ബദറുദ്ദീൻ പൂവാർ അധ്യക്ഷത വഹിച്ച മെഡ്കെയർ സംഗമത്തിൽ ഐസിആർഎഫ് ചെയർമാൻ ഡോ. ബാബുരാമചന്ദ്രൻ, ഡോ. ഫൈസൽ, ഡോ. ഗായത്രി, അയ്യപ്പദാസ് എന്നിവർ സംസാരിച്ചു. മെഡ്കെയർ കൺവീനർ മജീദ് തണൽ സ്വാഗതവും പ്രവാസി വെൽഫെയർ ജനറൽ സെക്രട്ടറി സി എം മുഹമ്മദലി നന്ദിയും പറഞ്ഞു.
ൗീൗൈ3
