ബഹ്റൈൻ അന്താരാഷ്ട്ര ഗാർഡൻ ഷോ മാർച്ച് 9ന് ആരംഭിക്കും
ഏറെ പ്രശസ്തമായ ബഹ്റൈൻ അന്താരാഷ്ട്ര ഗാർഡൻ ഷോ മാർച്ച് 9ന് ആരംഭിക്കും. ബഹ്റൈൻ രാജാവ് ഹമദ് ബിൻ ഇസാ അൽ ഖലീഫയുടെ ആശിർവാദത്തോടെയും പ്രിൻസസ് സബീക ബിന്ത് ഇബ്രാഹിം അൽ ഖലീഫയുടെ സഹകരണത്തോടെയും സംഘടിപ്പിക്കുന്ന ഗാർഡൻ ഷോ ഇത്തവണ സാഖിറിലെ പുതുതായി നിർമ്മിച്ച എക്സിബിഷൻ വേൾഡിലാണ് അരങ്ങേറുന്നത്. മാർച്ച് 9ന് ഉച്ചയ്ക്ക് 1 മണി മുതൽ വൈകീട്ട് 9 മണി വരെയും, മാർച്ച് 10 മുതൽ 12 വരെ രാവിലെ 10 മണി മുതൽ വൈകീട്ട് 9 മണി വരെയുമാണ് സന്ദർശകർക്ക് ഇവിടെ വരാൻ സാധിക്കുക.
ഗാർഡൻ ഷോയിൽ പങ്കെടുക്കുന്ന സ്ഥാപനങ്ങൾക്ക് അവരുടെ ബിസിനസ്സ് വികസിപ്പിക്കുന്നതിനും പ്രാദേശികമായും പ്രാദേശികമായും അന്തർദ്ദേശീയമായും അവരുടെ പ്രവർത്തനങ്ങളുടെ വ്യാപ്തി വിപുലീകരിക്കുന്നതിനും മികച്ച അവസരമാണ് ഉണ്ടാവുകയെന്ന് നാഷണൽ ഇനിഷ്യേറ്റീവ് ഫോർ അഗ്രികൾച്ചറൽ ഡെവലപ്മെന്റ് സെക്രട്ടറി ജനറൽ ഷെയ്ഖാ മറം ബിന്ത് ഇസ അൽ ഖലീഫ ഇസാ കൾച്ചറൽ സെന്ററിൽ വെച്ച് നടന്ന വാർത്തസമ്മേളനത്തിൽ വ്യക്തമാക്കി. "ജലം: ജീവിതത്തെ പുനരുജ്ജീവിപ്പിക്കുന്നു" എന്ന പ്രമേയത്തിന് കീഴിലാണ് ഈ വർഷം ഗാർഡൻ ഷോ സംഘടിപ്പിക്കുന്നത്. 30തിലധികം രാജ്യങ്ങളിൽ നിന്നായി 176ലധികം പ്രദർശകരാണ് ഇത്തവണ ഇതിൽ പങ്കെടുക്കുന്നത്.
a
