ഫ്ളോറിൻസ് മത്തയാസിന് കെസിഎ യാത്രയപ്പ് നൽകി
63 വർഷത്തെ ബഹ്റൈൻ പ്രവാസ ജീവിതം പൂർത്തിയാക്കി അമേരിക്കയിലേക്ക് യാത്രയാകുന്ന ബഹ്റൈനിലെ അറിയപ്പെടുന്ന സാമൂഹ്യപ്രവർത്തക ഫ്ളോറിൻസ് മത്തയാസിന് കേരള കാത്തലിക് അസോസിയേഷൻ യാത്രയയപ്പ് നൽകി. കെസിഎയിൽ വച്ച് നടന്ന യോഗത്തിൽ ബഹ്റൈൻ കേരള സമാജം, കേരള കാത്തലിക് അസോസിയേഷൻ, യുണൈറ്റഡ് പേരൻസ് പാനൽ എന്നീ സംഘടനകൾ മെമെന്റോ നൽകി ആദരിച്ചു. കെസിഎ പ്രസിഡണ്ട് നിത്യൻ തോമസ് അധ്യക്ഷത വഹിച്ച യോഗത്തിൽ,കെസിഎ ജനറൽ സെക്രട്ടറി വിനുക്രിസ്റ്റി സ്വാഗതം പറഞ്ഞു. കെസിഎ കോർ ഗ്രൂപ്പ് ചെയർമാൻ എബ്രഹാം ജോൺ നന്ദി പറഞ്ഞു.
ബഹറിൻ കേരളീയ സമാജം പ്രസിഡന്റ് പി വി രാധാകൃഷ്ണപിള്ള, ബഹറിൻ കേരളീയ സമാജം ജനറൽ സെക്രട്ടറി വർഗീസ് കാരക്കൽ, മുതിർന്ന മാധ്യമപ്രവർത്തകൻ സോമൻ ബേബി, ക്യാൻസർ ഗ്രൂപ്പ് ചെയർമാൻ ഡോക്ടർ പി വി ചെറിയാൻ, ഐസിആർഎഫ് അഡ്വൈസർ അരുൾദാസ് തോമസ് എന്നിവർ ബഹ്റൈനിലെ പ്രവാസികൾക്ക് സഹായഹസ്തമായിരുന്ന ഫ്ലോറിൻസ് മത്തയാസിന്റെ സാമൂഹ്യ പ്രവർത്തനങ്ങളെ മുക്തകണ്ഠം പ്രശംസിച്ചു.
ഫ്ലോറിൻസ് മത്തയാസ് 63 വർഷം നീണ്ടുനിന്ന പ്രവാസ ജീവിതത്തിലെ സാമൂഹ്യ പ്രവർത്തനങ്ങളെ കുറിച്ചും നേരിട്ട അനുഭവങ്ങളെക്കുറിച്ചും സദസ്സിനോട് സംവദിച്ചു.
ghgfhfghfgh
