അൽ മന്നാഇ പ്രവർത്തക സംഗമം ശ്രദ്ധേയമായി
പ്രദീപ് പുറവങ്കര I ഗൾഫ് I ബഹ്റൈൻ:
അൽ മന്നാഇ കമ്മ്യൂണിറ്റീസ് അവേർനെസ്സ് സെന്റർ മലയാള വിഭാഗം സംഘടിപ്പിച്ച പ്രവർത്തക സംഗമം അംഗങ്ങളുടെ വൻ പങ്കാളിത്തം കൊണ്ട് ശ്രദ്ധേയമായി. ഗുദൈബിയ അൽ മന്നാഇ ഹാളിൽ നടന്ന പരിപാടി സെന്റർ ശാസ്ത്രീയ വിദ്യാഭ്യാസ വിഭാഗം മേധാവി ഡോ. സഅദുല്ല അൽ മുഹമ്മദി ഉദ്ഘാടനം ചെയ്തു.
വിവിധ ഭാഷാ വിഭാഗങ്ങളെ ഉൾക്കൊള്ളുന്ന സെന്ററിന്റെ പ്രവർത്തനങ്ങളിലും രക്തദാന ക്യാമ്പ് പോലുള്ള സാമൂഹിക പ്രതിബദ്ധതയുള്ള പരിപാടികളിലും മലയാള വിഭാഗം വഹിക്കുന്ന മുൻനിര പങ്കിനെ അദ്ദേഹം മുക്തകണ്ഠം പ്രശംസിച്ചു. സെന്റർ പ്രസിഡന്റ് ടി.പി. അബ്ദുൽ അസീസ് ചടങ്ങിൽ അധ്യക്ഷത വഹിച്ചു.
വിസ്ഡം ഇസ്ലാമിക് ഓർഗനൈസേഷൻ സംസ്ഥാന പ്രസിഡന്റ് പി.എൻ. അബ്ദു ലത്വീഫ് മദനി മുഖ്യപ്രഭാഷണം നടത്തി. വിസ്ഡം കൂട്ടായ്മയുടെ പ്രവർത്തനങ്ങൾക്ക് ബഹ്റൈനിൽ നിന്ന് ലഭിക്കുന്ന സഹായ സഹകരണങ്ങൾ ശ്ലാഘനീയമാണെന്ന് അദ്ദേഹം അഭിപ്രായപ്പെട്ടു. സി.ടി. യഹ്യ ആമുഖ ഭാഷണം നടത്തി.
വിസ്ഡം വൈസ് പ്രസിഡന്റും ജി.സി.സി കോർഡിനേറ്ററുമായ മുഹമ്മദ് ഷെരീഫ് ഏലങ്കോട്, എക്സിക്യൂട്ടീവ് അംഗം വെൽക്കം അഷ്റഫ് അബൂബക്കർ, സ്വാലിഹ് അൽ ഹികമി എന്നിവർ ആശംസകൾ നേർന്നു. ഓർഗനൈസിംഗ് സെക്രട്ടറി ബിനു ഇസ്മാഈൽ സ്വാഗതവും ജനറൽ സെക്രട്ടറി എം.എം. രിസാലുദ്ദീൻ നന്ദിയും പറഞ്ഞു.
േ്േു്ു
