12ആമത് സ്‌മൃതി കലാ കായികമേള സമാപിച്ചു
ബഹ്‌റൈൻ സെന്റ് മേരീസ് ഇന്ത്യൻ ഓർത്തഡോക്സ് കത്തീഡ്രലിലെ യുവജന വിഭാഗമായ സെന്റ് തോമസ് ഓർത്തഡോക്സ് ക്രൈസ്തവ യുവജന പ്രസ്ഥാനം വട്ടശേരിൽ ഗീവർഗീസ് മാർ ദിവന്ന്യാസിയോസ് തിരുമേനിയുടെ സ്മരണാർത്ഥം സംഘടിപ്പിച്ച 12ആമത് സ്‌മൃതി കലാ കായികമേള സമാപിച്ചു.
കത്തീഡ്രൽ വികാരിയും യുവജന പ്രസ്ഥാനം പ്രസിഡണ്ടുമായ റവറന്റ് ഫാദർ ജേക്കബ് തോമസ് അധ്യക്ഷത വഹിച്ച പരിപാടി ബഹ്‌റൈനിലെ ഇന്ത്യൻ അംബാസഡർ വിനോദ് കെ ജേക്കബ് ഉദ്ഘാടനം ചെയ്തു. കോന്നി എം.എൽ.എ അഡ്വ . കെ യൂ ജനീഷ് കുമാർ വിശിഷ്ടാതിഥിയായിരുന്നു.
ജനറൽ കൺവീനർ സിജു ജോർജ് സ്‌മൃതി 2025നെ കുറിച്ചുള്ള അവലോകനം നടത്തി. അസിസ്റ്റൻ്റ് വികാരി റവറന്റ് ഫാദർ തോമസുകുട്ടി പി. എൻ, കത്തീഡ്രൽ സെക്രട്ടറി ബിനു മാത്യു ഈപ്പൻ, എന്നിവർ ആശംസകൾ നേർന്നു. യുവജന പ്രസ്ഥാനം സെക്രട്ടറി ബോണി മുളപ്പാംപളളിൽ സ്വാഗതവും, പ്രോഗ്രാം കൺവീനർ ജുബിൻ തോമസ് നന്ദിയും രേഖപ്പെടുത്തി.
6 ഗ്രൂപ്പുകളിലായി 148 മത്സരങ്ങളിൽ 541 മത്സരാർത്ഥികളാണ് പങ്കെടുത്തത്. ഇതിൽ നിന്ന് 228 വിജയികൾക്കായി 515 സമ്മാനങ്ങൾ ആണ് ഫിനാലയിൽ സമ്മാനിച്ചത്. ചടങ്ങിൽ ഇന്ത്യൻ സ്കൂൾ ചെയർമാൻ ബിനു മണ്ണിൽ, ലോക കേരളസഭ അംഗം ജേക്കബ് മാത്യു എന്നിവർ പങ്കെടുത്തു.
സൽമാബാദ് ഗോൾഡൻ ഈഗിൾ ഹെൽത്ത് ക്ലബിൽ വെച്ച് നടന്ന ഫിനാലെയിൽ മെന്റലിസ്റ്റ് ഫാസിൽ ബഷീർ അവതരിപ്പിച്ച ട്രിക്സ്മാനിയ 2.0യും, ടെലിവിഷൻ സംഗീത പരിപാടികളിലൂടെ പ്രശസ്തരായ പിന്നണി ഗായകർ ഭരത് സജികുമാറും, കുമാരി ആഷിമ മനോജൂം ചേർന്നൊരുക്കിയ സംഗീതനിശയും ശ്രദ്ധേയമായി.
േോ്ിോിേ
