എക്സിറ്റ് വിസയിൽ സൗദിയിൽ നിന്നും കഴിഞ്ഞ വർഷം നാടുവിട്ടത് 11 ലക്ഷം പേർ
റിയാദ് : കഴിഞ്ഞ വർഷം സൗദിയിൽ നിന്നും എക്സിറ്റ് വിസയിൽ നാടു വിട്ടത് പതിനൊന്നു ലക്ഷത്തി എൺപത്തി ആറായിരം വിദേശികളെന്നു സൗദി ജവാസാത് ഡയറക്ടറേറ്റ്. ഈ വർഷം കൂടുതൽ വിദേശികൾ എക്സിറ്റിൽ പോകുമെന്നാണ് അധികൃതരുടെ വിലയിരുത്തൽ. പുതുതായി ഏർപ്പെടുത്തിയ ലെവി, സ്വദേശിവൽക്കരണം തുടങ്ങിയ കാരണത്താൽ നിരവധി പേരാണ് സൗദിയിൽ നിന്ന് എക്സിറ്റ് വിസയിൽ രാജ്യം വിടുന്നത്.
അതിനാൽ കഴിഞ്ഞ വർഷത്തെ അപേക്ഷിച്ചു ഈ വർഷം എക്സിറ്റിൽ പോകുന്ന വിദേശികളുടെ എണ്ണം വർദ്ധിക്കും. ജീവിത ചിലവിലുണ്ടായ വർദ്ധന കാരണം നിരവധി പേരുടെ കുടുംബങ്ങളും ഈ അധ്യയന വർഷം അവസാനിക്കുന്നതോടെ നാട്ടിലേക്കു മടങ്ങാൻ തീരുമാനിച്ചിട്ടുണ്ട്. അതേസമയം കഴിഞ്ഞ വര്‍ഷം നാലു ലക്ഷം വിദേശികൾ പുതിയ തൊഴിൽ വിസയിൽ സൗദിയിൽ എത്തിയതായി ജവാസാത് ഡയറക്ടറേറ്റ് അറിയിച്ചു. മുപ്പത് ലക്ഷം പേർക്ക് എക്സിറ്റ് റീ എൻട്രി വിസകളും കഴിഞ്ഞ വർഷം നൽകി.
