ഉപഭോക്തൃ സംരക്ഷണവകുപ്പിന്റെ പരിശോധന : വ്യാജ അഗ്നിശമന ഉപകരണങ്ങൾ പിടിച്ചെടുത്തു
ദോഹ : ഉപഭോക്തൃ സംരക്ഷണവകുപ്പ് ഉദ്യോഗസ്ഥർ നടത്തിയ പരിശോധനയിൽ 121 വ്യാജ ഫയർ എക്സ്റ്റിങ്ഗ്വിഷറുകൾ പിടിച്ചെടുത്തു. സൽവ മേഖലയിലെ വിൽപ്പനശാലയിൽ നടത്തിയ പരിശോധനയിലാണ് വ്യാജ ഉപകരണങ്ങൾ കണ്ടെത്തിയത്. വിൽപ്പനശാലകൾ ഉപഭോക്തൃ സംരക്ഷണനിയമം പാലിക്കുന്നുണ്ടോയെന്ന് ഉറപ്പാക്കാൻ അധികൃതർ നടത്തിയ മിന്നൽ പരിശോധനയിലാണ് വ്യാജ ഫയർ എക്സ്റ്റിങ്ഗ്വിഷറുകൾ പിടിച്ചെടുത്തത്. ഖത്തറി മാനദണ്ധങ്ങൾ പാലിക്കാത്ത വ്യാജ ഉൽപ്പന്നങ്ങൾ കണ്ടെത്താനായി കർശന പരിശോധനയാണ് അധികൃതർ നടത്തുന്നത്.
സൽവയിലെ വിൽപ്പനശാലയുടെ വ്യവസായ മേഖലയിൽ പ്രവർത്തിക്കുന്ന സംഭര ണശാലയിൽനിന്ന് എണ്ണായിരം ഫയർ എക്സ്റ്റിങ്ഗ്വിഷറുകളും പിടിച്ചെടുത്തു.
അതേസമയം കന്പനി ഫയർ എക്സ്റ്റിങ്ഗ്വിഷറുകൾ ഉപഭോക്താക്കൾക്ക് നേരിട്ട് വിൽക്കുകയല്ല മറിച്ച് വ്യത്യസ്ത പദ്ധതികളിലേക്ക് വിതരണം ചെയ്യുകയാണെന്നും മന്ത്രാലയം അറിയിച്ചു.
