തമിഴ്നാട്ടിൽ 921 പേർക്ക് ബ്ലാക് ഫംഗസ്; ഇരുപതിലധികം രോഗികൾ മരിച്ചു
തമിഴ്നാട്ടിൽ 921 പേരിൽ ബ്ലാക് ഫംഗസ് രോഗബാധ കണ്ടെത്തിയതായി ആരോഗ്യവകുപ്പ് അറിയിച്ചു. ഇരുപതിലധികം രോഗികൾ മരിച്ചു. നിരവധി രോഗികൾ ശസ്ത്രക്രിയക്ക് വിധേയരായി അത്യാസന്നനിലയിലാണ്. 837 പേർ ഇപ്പോഴും ചികിത്സയിലാണ്, ചെന്നൈയിൽ മാത്രം 277 കേസുകൾ സ്ഥിരീകരിച്ചു. ബ്ലാക് ഫംഗസ് അണുബാധയുടെ കാരണം കണ്ടെത്തുന്നതിനായി ആരോഗ്യവകുപ്പിന്റെ നേതൃത്വത്തിൽ സംസ്ഥാനത്ത് രൂപീകരിച്ച ടാസ്ക് ഫോഴ്സ് പഠനം ആരംഭിച്ചു.
