ഉത്തർപ്രദേശ് ജയിലിൽ വെടിവയ്പ്പ്; ഗുണ്ടാ തലവനുൾപ്പെടെ മൂന്ന് പേർ മരിച്ചു
ഉത്തർപ്രദേശിൽ ജയിലിൽ വെടിവയ്പ്പ്. ഗുണ്ടാ തലവൻ മുകിം കാല ഉൾപ്പെടെ മൂന്ന് തടവുകാർ മരിച്ചു.
ചിത്രകൂട് ജയിലിൽ ഇന്ന് ഉച്ചയോടെയാണ് വെടിവയ്പ്പുണ്ടായത്. വിചാരണ തടവുകാർ തമ്മിലാണ് ഏറ്റുമുട്ടൽ ഉണ്ടായെതെന്ന് പൊലീസ് പറയുന്നു. അൻസുൽ ദീക്ഷിത് എന്ന് തടവുകാരനാണ് മുകിം കാലയെയും കൂട്ടാളിയെയും വെടിവച്ച് കൊലപ്പെടുത്തിയത്. ജയിലിൽ ഒളിച്ചുകടത്തിയ തോക്ക് ഉപയോഗിച്ചാണ് അൻസുൽ ദീക്ഷിത് പല തവണ നിറയൊഴിച്ചത്. അൻസുൽ പിന്നീട് പൊലീസിന്റ വെടിയേറ്റ് മരിച്ചു.
