ആവേശത്തിൽ പുതുപ്പള്ളി; ആദ്യ മണിക്കൂറിൽ മികച്ച പോളിങ്
കോട്ടയം: പുതുപ്പള്ളി ഉപതെരഞ്ഞെടുപ്പിന്‍റെ ആദ്യ മണിക്കൂറുകളില്‍ മികച്ച പോളിംഗ്. വോട്ടിംഗ് ആരംഭിച്ച് മൂന്ന് മണിക്കൂര്‍ പിന്നിടുമ്പോള്‍ 20.34 ശതമാനം പോളിംഗ് രേഖപ്പെടുത്തി. അകലക്കുന്നം-18.6, കൂരോപ്പട-19.8, മണര്‍കാട്-22.1, പാമ്പാടി-22.6, പുതുപ്പള്ളി-20.5, വാകത്താനം-20.2, അയര്‍ക്കുന്നം-19.1, മീനടം-19.6 എന്നിങ്ങനെയാണ് വിവിധ പഞ്ചായത്തുകളിലെ പോളിംഗ് ശതമാനം. മിക്ക പോളിംഗ് ബൂത്തുകളിലും രാവിലെ മുതല്‍ വോട്ടര്‍മാരുടെ നീണ്ടനിരയാണ് കാണപ്പെടുന്നത്. പോളിംഗ് യന്ത്രം തകരാറിലായതോടെ ചിലയിടങ്ങളില്‍ വോട്ടിംഗ് തടസപ്പെട്ടു. പാമ്പാടി പഞ്ചായത്തിലെ 95-ാം നമ്പര്‍ ബൂത്തിലും വാകത്താനത്തെ 163-ാം നമ്പര്‍ ബൂത്തിലുമാണ് തകരാര്‍ നേരിട്ടത്. ഉടനെ പ്രശ്‌നം പരിഹരിച്ചു. എന്നാല്‍ പത്താം നമ്പര്‍ ബൂത്തായ അയര്‍ക്കുന്നം സര്‍ക്കാര്‍ എല്‍പി സ്‌കൂളിൽ അരമണിക്കൂറോളം താമസിച്ചാണ് വോട്ടെടുപ്പ് തുടങ്ങാനായത്.
fddfdsdsadsa
