കരിങ്കൽ ക്വാറി: കേരളം സുപ്രീംകോടതിയിലേക്ക്
ന്യൂഡൽഹി: കരിങ്കൽ ക്വാറികൾക്ക് 50 മീറ്റർ ദൂരപരിധി അംഗീകരിക്കണമെന്ന് ആവശ്യപ്പെട്ട് കേരളം സുപ്രീംകോടതിയിൽ ഹർജി നൽകി. ഇല്ലാത്ത അധികാരം ഉപയോഗിച്ചാണ് ഹരിത ട്രൈബ്യൂണൽ ക്വാറികൾക്ക് 200 മീറ്റർ ദൂരപരിധി നിശ്ചയിച്ചതെന്നാണ് കേരളത്തിന്‍റെ വാദം. ജനവാസ കേന്ദ്രങ്ങളിൽ നിന്ന് 200 മീറ്റർ അകലെ മാത്രമേ കരിങ്കൽ ക്വാറികൾ പ്രവർത്തിപ്പിക്കാവൂ എന്ന ദേശീയ ഹരിത ട്രൈബ്യൂണൽ ഉത്തരവ് റദ്ദാക്കിയ കേരള ഹൈക്കോടതി വിധി സുപ്രീംകോടതി േസ്റ്റ ചെയ്തതിന് പിന്നാലെയാണ് സംസ്ഥാനം ഹർജി സമർ‍പ്പിച്ചത്.
സുപ്രീംകോടതി ഹൈക്കോടതി ഉത്തരവ് േസ്റ്റ ചെയ്തതോടെ സംസ്ഥാന സർക്കാർ നിലപാടിന് കൂടിയാണ് തിരിച്ചടിയേറ്റത്. 200 മീറ്റർ ദൂരപരിധി നിശ്ചയിച്ച ഹരിത ട്രൈബ്യൂണിലിന്‍റെ ഉത്തരവ് സുപ്രീംകോടതി ഇനിയൊരുത്തരവ് പുറപ്പെടുവിക്കുന്നതുവരെ വീണ്ടും പ്രാബല്യത്തിൽ വരും.
