ഇടമലക്കുടിയില് ആദ്യമായി കോവിഡ്; രണ്ടുപേര് ചികിത്സയില്
മൂന്നാര്: കോവിഡ് മഹാമാരി റിപ്പോര്ട്ട് ചെയ്യപ്പെട്ടതിനു ശേഷം ആദ്യമായി ഗോത്രവര്ഗ പഞ്ചായത്തായ മൂന്നാര് ഇടമലക്കുടിയില് കോവിഡ് സ്ഥിരീകരിച്ചു. ഇരുമ്പ്കല്ല് കുടി സ്വദേശിയായ 40 വയസ്സുള്ള വീട്ടമ്മയ്ക്കും ഇഡ്ഡലിപ്പാറക്കുടി സ്വദേശിയായ 24 വയസ്സുകാരനുമാണ് കോവിഡ് സ്ഥിരീകരിച്ചത്. വീട്ടമ്മയ്ക്ക് മറ്റ് ശാരീരിക പ്രശ്നങ്ങളെ തുടര്ന്ന് കോട്ടയം മെഡിക്കല് കോളേജില് പരിശോധന നടത്തിയപ്പോഴാണ് രോഗം സ്ഥിരീകരിച്ചത്. 24കാരന് മൂന്നാറിലെ സ്വകാര്യ ആശുപത്രിയില് പരിശോധന നടത്തിയപ്പോഴാണ് രോഗം സ്ഥിരീകരിച്ചത്. രണ്ടാഴ്ച മുന്പ് ഇടുക്കി എം.പി. ഡീന് കുര്യാക്കോസിനൊപ്പം ഒരു ബ്ലോഗര് ഇടമലക്കുടിയില് പ്രവേശിച്ചത് വിവാദമായിരുന്നു.
