ഡൽഹിയിലെ പൊലീസ് നടപടിയിൽ ശക്തമായി പ്രധിഷേധിച്ച് വി ഡി സതീശൻ
ശാരിക
തിരുവനന്തപുരം: ഡൽഹിയിൽ ലോക്സഭാ പ്രതിപക്ഷ നേതാവ് രാഹുൽ ഗാന്ധി, പാർലമെന്റ് അംഗങ്ങൾ, സമരം ചെയ്ത വിദ്യാർഥികൾ എന്നിവർക്കെതിരെ പൊലീസ് നടത്തിയത് അതിക്രൂരമായ നടപടിയാണെന്ന് പ്രതിപക്ഷ നേതാവ് വി ഡി സതീശൻ കുറ്റപ്പെടുത്തി. ജനപ്രതിനിധികളെയും വിദ്യാർഥികളെയും വളരെ മോശമായ രീതിയിലാണ് പൊലീസ് ബലപ്രയോഗത്തിലൂടെ അറസ്റ്റ് ചെയ്തു നീക്കിയതെന്നും കേന്ദ്ര സർക്കാരിന്റെ ഇത്തരം സമീപനങ്ങൾ വെച്ചുപൊറുപ്പിക്കാനാകില്ലെന്നും അദ്ദേഹം വ്യക്തമാക്കി.
പ്ലീഡർ നിയമന വിവാദവുമായി ബന്ധപ്പെട്ട് കെഎസ് യു നേതാക്കൾക്ക് തന്റെ ഓഫീസ് അനുമതി നിഷേധിച്ചിട്ടില്ലെന്നും പതിനായിരക്കണക്കിന് സാധാരണക്കാരായ ആളുകളെ കാണുന്നത് പോലെ തന്നെ അവരെയും കണ്ട് കാര്യങ്ങൾ വിശദീകരിച്ചിട്ടുണ്ടെന്നും അദ്ദേഹം കൂട്ടിച്ചേർത്തു. തേവര കോളേജിൽ വെച്ച് അലോഷ്യസ് സേവ്യറിനെ കണ്ടില്ല എന്ന മാധ്യമ ചോദ്യത്തിന്, അന്ന് വേഗത്തിൽ നടന്നു നീങ്ങിയതിനാൽ ശ്രദ്ധിച്ചില്ലെന്നും പിന്നീട് ഫ്രെയിമിലാണ് അദ്ദേഹത്തെ കണ്ടതെന്നും വി ഡി സതീശൻ മറുപടി നൽകി.
വഖഫ് ബോർഡ് വിഷയം സംബന്ധിച്ച് അമുസ്ലിം അംഗങ്ങളെ നിയമിക്കാമെന്ന ഇടതുസർക്കാർ ഉത്തരവിനെ പിന്തുണച്ചാണ് ബോർഡ് സുപ്രീം കോടതിയെ സമീപിച്ചതെന്നും ടാറ്റ കേരളത്തിൽ കൂടുതൽ നിക്ഷേപം നടത്താൻ സന്നദ്ധത അറിയിച്ചിട്ടുള്ളതിനാൽ ആ വിഷയത്തിൽ ആശയക്കുഴപ്പങ്ങളില്ലെന്നും അദ്ദേഹം വിശദീകരിച്ചു.
ssdfs
